საქართველოს კათოლიკოს-პატრიარქმა უწმინდესმა და უნეტარესმა ილია მეორემ სამების საკათედრო ტაძარში იქდაგა. პატრიარქის თქმით, დღეს არის ოჯახის დღესასწაული, აღევლინება ლოცვა რათა მტკიცე იყოს ქართული ოჯახი:

„უფალი ბრძანებს - ითხოვდეთ და მოგეცეთ თქვენ, ეძიებდეთ და ჰპოვოთ, ირეკდეთ და განგეღოთ თქვენ. ჩვენ დღეს შევთხოვთ უფალს, რომ მეოხებითა ყოვლაწმინდისა ღვთისმშობელისათა ღმერთმა დალოცოს ჩვენი ოჯახები. დღეს არის ოჯახის დღესასწაული, ჩვენ აღვავლენთ ლოცვას, რათა მტკიცე იყოს ქართული ოჯახი, მრავალი შვილი აღზარდოს ქართულმა ოჯახმა. ამასთან დაკავშირებით გამოიცა ჟურნალი, რომელსაც ეწოდება ბედნიერი ოჯახი და ახლა წაკითხული იქნება ჩემი წინასიტყვაობა,"- აღნიშნა ილია მეორემ.