ავღანეთის ქალაქ ჯალალაბადში მასშტაბური ანტიტერორისტული ოპერაციის შედეგად სამთავრობო ძალებმა ადგილობრივ სახელმწიფო ტელევიზიაზე, სადაც დღეს დილით შეიარაღებული პირები შეიჭრნენ და ცეცხლი გახსნეს, კონტროლი აღადგინეს.

ავღანეთის სპეცსამსახურების განცხადებით, სახელმწიფო ტელევიზიის შენობაში სავარაუდოდ, ოთხი თავდამსხმელი შეიჭრა. ამ დროისათვის სამი მათგანი ლიკვიდირებულია, ერთი დაკავებული.

თავდასხმაზე პასუხისმგებლობა "ისლამურმა სახელმწიფომ" აიღო, რომელსაც რეგიონში ძლიერი დასაყრდენი გააჩნია. ვრცელდება ინფორმაცია, რომ დაიღუპა ერთი და დაიჭრა 17 მშვიდობიანი მოქალაქე.