ოსკარების 90-ე დაჯილდოებას კვლავ ჯიმი კიმელი გაუძღვება

მსოფლიო - 13:18, 17 May, 2017

1228

ამერიკული კინოაკადემიის დაჯილდოების - ოსკარების რიგით 90-ე ცერემონიას, წინა დაჯილდოების მსგავსად, ამერიკელი ტელეწამყვანი და კომიკოსი ჯიმი კიმელი უმასპინძლებს.

„მადლობა აკადემიას, რომ კვლავ შემომთავაზა ოსკარის მასპინძლობა" - წერს კიმელი ფეისბუკზე და იხუმრა, რომ წინა დაჯილდოებაზე აშკარად რაღაც აურიეს , ამიტომ მაყურებელს მოუწოდებს, დაელოდონ, წელს რას მოიმოქმედებენ.

ოსკარების 89-ე დაჯილდოების ცერემონია ყველაზე სკანდალურ დაჯილდოებას ცერემონიის დასრულებამდე შეფქასდა.

წლის საუკეთესო ფილმის გამოცხადებისას კონვერტები აერიათ. კატეგორიაში გამარჯვებულად მიუზიკლი La La Land -ი დასახელდა, შემდეგ კი აღმოჩნდა, რომ აღნიშნულ კატეგორიაში გამარჯვება Moonlight-მა მოიპოვა.

ნომინაციის წარმდგენმა უორენ ბიტმა, შეცდომის აღმოჩენისთანავე განაცხადა, რომ მას ის კონვერტი მისცეს, სადაც ეწერა „ემა სტოუნი -ლა ლა ლენდი“, ამიტომაც შეყოვნდა გამარჯვებულების გამოცხადებისას და კონვერტი მის კოლეგას ფეი დანაუეის გაუწოდა.

ჯიმი კიმელი 2003 წლიდან უძღვება ტელეარხ ABC-ზე საღამოს პოპულარულ კომედიურ შოუს - Jimmy Kimmel Live! და ტელეარხის სახედ ითვლება. ოსკარების ცერემონია კი პირდაპირ ეთერში ექსკლუზიურად სწორედ ABC-ზე გადაიცემა.