ზედმეტი კილოგრამების მოშორების უამრავი მეთოდი არსებობს. დიეტები, ვარჯიში, ოპერაცია...

წონაში დაკლების მსურველები ყველაზე ხშირად მაინც დიეტებს მიმართავენ. თუმცა, მცდელობის მიუხედავად, სასურველი წონა მაინც შორს არის.

რა უშლეს ხელს ზედმეტი კილოგრამების მოშორებას?

1. არასრულფასოვანი ძილის რეჟიმი

ადამიანები, რომლებსაც ძილი აკლიათ, გაცილებით ბევრს ჭამენ. ისინი გაღიზიანებულები, გამოფიტულები არიან და ძალების აღსადგენას საკვებს მიმართავენ. რაც , ხშირად დიეტით გათვალისწინებული საკვების დიდი ზომით მიღებაში ან სულაც დიეტის დარღვევაში გამოიხატება.

2. არ საუზმობთ

ხშირად, წონაში დაკლების მსურველები შიმშილობენ და საუზმეზეც უარს ამბობენ, რაც არასწორია. შიმშილობის შემთხვევაში, ორგანიზმი განიცდის სტრესს და წონაში კლებაც შეჩერებულია. საკვებად ღირებული ნივთიერებების დილით მიღება, წონაში დაკლების ერთ-ერთი მთავარი საწინდარია. სასურველია, თუკი თქვენი საუზმე , ხილი, მაწონი ან შვრიის ფაფა იქნება.

3. ცოტას მოძრაობ

თუკი თქვენ დიეტას ყოველგვარი დარღვევის გარეშე მიჰყვებით, მაგრამ არ ვარჯიშობთ, მინიმუმ ფეხით არ დადიხართ შედეგი ისეთი ეფექტური არ იქნება, როგორიც გსურთ. ამიტომ, თუკი ვარჯიშის დრო არ გაქვთ, იარეთ დღეში მინიმუმ 20 წუთი ფეხით.

4. არ სვამთ წყალს

წყალი არის ჯანმრთელობის ყველა პრობლემის მოგვარების გზა და იგი ასევე მნიშვნელოვანია წონაში დასაკლებადაც. ნორმალური რაოდენობის წყლის სმა ორგანიზმში მიმდინარე პროცესებს ეფექტურს გახდის და ხელს შეუწყობს საკვების მონელებას, ენერგიულობის მომატებას და კუნთების ფუნქციონირებას. ასევე, წყლის მეშვეობით, შესაძლოა შიმშილის გრძნობა მოვატყუოთ.

5. არ ითვლით კალორიებს

შესაძლოა, ფიქრობთ, რომ დიეტურ და ნაკლებად კალორიულ საკვებს ან სასმელს იღებთ, მაგრამ ამაში აუცილებლად უნდა დარწმუნდეთ. შეამოწმეთ, სასმელებზე არსებულ ეტიკეტებზე კალორიების რაოდენობა და დარწმუნდით, რომ ის ნამდვილად შეესაბამება თქვენი დღის რაციონს.