ჰაკერებმა Walt Disney-ს ფილმი მოიპარეს და გამოსასყიდს ითხოვენ. წინააღმდეგ შემთხვევაში კი მისი გამოქვეყნებით იმუქრებიან.

როგორც სტუდიის ხელმძღვანელი ბობ აიგერი აცხადებს, ჰაკერები ირწმუნებიან, რომ მათ „დისნეის“ ახალი პროექტი ჩაიგდეს ხელში და მის სანაცვლოდ დიდ თანხას ითხოვენ. წინააღმდეგ შემთხვევაში, ფილმის პირველი ხუთი წუთის გამოქვეყნებით, შემდეგ კი 20 წუთიანი ნაწილის გამოქვეყნებით იმუქრებიან.

აიგერს არ დაუკონკრეტებუა, რომელ ფილმზეა საუბარი, თუმცა აღნიშნა, რომ კომპანია თანხის გადახდას არ აპირებს.

როგორც დასავლური მედია წერს, შესაძლოა, ჰაკერებმა „კარიბის ზღვის მეკობრეები: მკვდრები ზღაპრებს არ ჰყვებიან“ მოიპრეს, რომელის პრემიერაც ამერიკულ კინოთეატრებში 26 მაისს არის დაგეგმილი.

მეორე ვერსიით, საუბარია ანიმაციურ ფილზე Cars 3, რომლის პრემიერაც 16 ივნისს არის დაგეგმილი.

აღნიშნული კიბერ დანაშაულის მსხვერპლი, აპრილის დასაწყისში Netflix-იც გახდა. მაშინ ჰაკერებ სერიალ Orange Is the New Black-ის 10 სერია მოიპარეს. მას შემდეგ რაც კომპანიამ გამოსასყიდზე უარი განაცხდა, ჰაკერებმა სერიები ინტერნეტში ჩაუშვეს.