Washington Post: ტრამპმა ლავროვს საიდუმლო სადაზვერვო ინფორმაცია გაუმჟღავნა

მსოფლიო - 10:40, 16 May, 2017

3247

Washington Post-ი სკანდალურ ინფორმაციას ავრცელებს. როგორც გამოცემა ამერიკის ყოფილ და მოქმედ მაღალჩინოსნებზე დაყრდნობით წერს, რომ შეერთებული შტატების პრეზიდენტმა, დონალდ ტრამპმა რუსეთის საგარეო საქმეთა მინისტრ სერგეი ლავროვთან შეხვედრისას მკაცრად გასაიდუმლოებული სადაზვერვო ინფორმაცია გაამჟღავნა, რამაც საფრთხის ქვეშ დააყენა წყარო, რომელიც დაზვერვას ექსტრემისტული დაჯგუფება „ისლამური სახელმწიფოს“ შესახებ ინფორმაციას აწვდიდა.

აშშ-ს ხელისუფლება აცხადებს, რომ აღნიშნული ბრალდებები სიმართლეს არ შეესაბამება.

როგორც ვაშინგტონ პოსტი წერს, აღნიშნული ინფორმაციის საიდუმლოების დონე საკმაოდ მაღალია : მონაცემები არ იყო განკუთვნილი მოკავშირეებისთვისაც კი, თეთრ სახლში კი ინფორმაცია მაკცრად შეზღუდულ მცირე წრეს გააცნეს. გამოცემა წყაროების ვინაობას არ ასახელებს.

კერძოდ, ტრამპმა დეტალურად განიხილა როგორ შეუძლიათ ტერორისტებს გარკვეული თავდასხმების განხორციელება; მან ასევე დაასახელა ISIS-ის კონტროლქვეშ მყოფი ქალაქი, სადაც აშშ-ის პარტნიორმა ქვეყანამ, სადაზვერვო ინფორმაციის გაცვლის კუთხით, ახალი საფრთხე აღმოაჩინა. როგორც The Washington Post-ს წყარომ განუცხადა, დონალდ ტრამპმა რუსეთის საგარეო საქმეთა მინისტრსა და რუსეთის ელჩს იმ ნაბიჯებზე უამბო, რომელიც აშშ-მ გადადგა ახალ საფრთხის მოგერიებისთვის.

დონალდ ტრამპმა სერგეი ლავროვს თეთრ სახლში გასულ კვირას უმასპინძლა. თეთრი სახლის ცნობით, შეხვედრაზე ტერორისტული ორგანიზაციების მხრიდან მომავალ ძირითად საფრთხეებზე ისაუბრეს