ევროპოლის დირქტორმა, რობ უენრაიტმა დაადასტურა, რომ პარასკევს, 12 მაისს განხორციელებულმა კიბერშეტევებმა 150 ქვეყნის 200 ათასი ობიექტი დაზარალდა. როგორც მან ბიბისთან ინტერვიუში ისაუბრა, ეს იყო უპრეცედენტო კიბერთავდასხმა თავისი მასშტაბით. მისივე თქმით, შესაძლა, თავდასხმა დღესაც განმეორდეს და კიდევ უფრო მასშტაბური აღმოჩნდეს.

უენრაიტის თქმით, კიბერშეტევისას გამოყენებული პროგრამა ვირუსთან ერთად მოქმედებს, რომლის მეშვეობითაც, ერთი თავირუსებული კომპიუტერი ვირუსს მთელს ქსელში ავრცელებს.

ვირუსმა, რომელიც პარასკევს გავრცელდა, მომხმარებელთა ფაილებზე კონტროლი მოიპოვა. ყველაზე მეტად დაზარალებულ ქვეყნებს შორის რუსეთი და გაერთიანებული სამეფო აღმოჩნდნენ.

მსოფლიოს უდიდეს ნაციონალურ კომპანიებსა და სახელმწიფო სტრუქტურებში დავირუსდა ელექტრონული სერვერები, დაიბლოკა კომპიუტერები, რის მოსახსნელადაც ჰაკერებმა ფული მოითხოვეს. თუმცა ევროპოლის დირექტორის თქმით, დაზარალებულთა უმრავლესობამ ჰაკერებს ფული არ გადაუხადა.