საფრანგეთში პრეზიდენტის ინაუგურაციისთვის ემზადებიან. რამდენიმე წუთში ემანუელ მაკრონი ელისეს სასახლეში მივა, სადაც მას ფრანსუა ოლანდი ქვეყნის პირველი პირის პოსტს ოფიციალურად გადააბარებს.

ოლანდი ემანუელ მაკრონს საპრეზიდენტო კაბინეტში შეხვდება და მას სახელმწიფო საიდუმლოებისა და ბირთვული შეიარაღების კოდებს გადასცემს. შემდეგ კი ინაუგურაციის ცერემონია დაიწყება.

ელისეს სასახლეში უკვე მივიდა საფრანგეთის მომავალი პირველი ლედი ბრიჯიტ მაკრონი.

მისი ჩაცმულობა ცისფერ ფერებშია გადაწყვეტილი.

ინაუგურაციასთან დაკავშირებით პარიზში უსაფრთხოების ზომები მაქსიმალურადაა გამკაცრებული.