ევროკავშირი აშშ-ს თვითმფრინავში პლანშეტებისა და ნოუთბუქების აკრძალვის განხილვას სთავაზობს

მსოფლიო - 13:22, 13 May, 2017

4104

ევროკავშირისა და აშშ-ს ხელისუფლება თვითმფრინავში პლანშეტებისა და ნოუთბუქების ხელბარგის მეშვეობით გადატანის აკრძალვის განხილვას აპირებს.

თვითმფრინავებში უკანასკნელ პერიოდში გახშირებული ნოუთბუქების, პლანშეტებისა და სხვა პორტატული ელექტრონული ტექნიკის აფეთქებების გამო ამერიკის შეერთებული შტატების უსაფრთხოების სამსახური მათ ხელბარგით გადატანის სრულ აკრძალვას აპირებს. მარტში აშშ-ში უკვე აკრძალეს თვითმპრინავებში ხელბარგის მეშვეობით პორტატული კომპიუტერული ტექნიკის შეტანა 8 მუსულმანური ქვეყნის წარმომადგენლებისათვის.

უსაფრთხოების სამსახური ამ ფაქტს არამარტო ტერორისტული აქტების საფრთხით ხსნის, არამედ აცხადებს, რომ დიდ სიმაღლეზე ბატარეებში, რომლებიც აღნიშნულ ტექნიკაში გამოიყენება, მიმდინარე ქიმიურმა რეაქციებმა შესაძლოა მათი აალება გამოიწვიოს. ხუთშაბათს აშშ-ს უსაფრთხოების სამსახურმა უკვე გამართა მოლაპარაკება ავიოკომპანიების წარმომადგენლებთან და შესაძლოა ეს აკრძალვა უახლოეს ხანებში ამოქმედდეს.

ევროკავშირში მიაჩნიათ, რომ აღნიშნული საკითხი საფუძვლიან შესწავლას საჭიროებს. ევროკომისიის კომისარმა ტრანსპორტის საკითხებში ვიოლეტა ბულკმა აღნიშნა, რომ არანაკლლებ რისკს შეიცავს თვითმფრინავების საბარგო განყოფილებაში დიდი რაოდენობის ელეტრონული ტექნიკის ჩაბარება.

"მომავალ კვირას ჩვენ განვიილავთ ამ საკითხს როგორც პოლიტიკურ, ასევე ექსპერტულ დონეზე, რათა საფუძვლიანად შევაფასოთ ყველა შესაძლო რისკი და შევიმუშავოთ ერთობლივი მოქმედებების გეგმა," - განაცხადა ევროკავშირის წარმომადგენელმა.