ტრამპმა პუტინს ლავროვის პირით ულტიმატუმები შეუთვალა

ტრამპმა პუტინს ლავროვის პირით ულტიმატუმები შეუთვალა - ექსპერტი

მსოფლიო - 14:49, 12 May, 2017

25489

რუსეთი, ისევე როგორც მისი წინამორბედი საბჭოთა კავშირი, მორიგ ცივ ომში მარცხდება, ასეთი დასკვნა გამოაქვს აშშ-ს პრეზიდენტის დონალდ ტრამპისა და რუსეთის საგარეო საქმეთა მინისტრის სერგეი ლავროვის შეხვედრის შემდეგ ექსპერტს, ისტორიის მეცნიერებათა დოქტორ ანდრეი ზუბოვს. ცივი ომი, როგოც ექსპერტი აცხადებს, თავად პუტინმა დაიწყო, უკრაინასა და სირიაში მისი აგრესიული პოლიტიკის შედეგად.

მოლაპარაკებების შემდეგ პრეზიდენტ ტრამპისა და თეთრი სახლის ადმინისტრაციის მიერ გაკეთებული განცხადებები დიპლომატიური ენის მცოდნე ადამიანისათვის ცხადყოფს, რომ ტრამპმა პუტინს გარკვეულწილად ულტიმატუმები წაუყენა, რომელიც ორ მთავარ თემას - სირიასა და უკრაინას შეეხება, - მიიჩნევს ექსპერტი.

ტრამპის მოთხოვნით, რუსეთმა სირიაში უნდა "დააშოშმინოს" როგორც ბაშარ ასადი, ასევე ირანის გავლენის ქვეშ მყოფი "ჰესბოლა", რაც გახდება ქვეყანაში სისხლისღვრის შეწყვეტის წინაპირობა. აშშ-ს არ აწყობს მის სტრატეგიულ პარტნიორ, ისრაელის საზღვართან ასადის ხელისუფლება და მისი მოკავშირე "ჰესბოლა".

რაც შეეხება უკრაინას, როგორც ტრამპმა, ასევე ტაილერსონმა უპირობო განცხადება გააკეთეს - რუსეთს სანქციები მოეხსნება მაშინ, როდესაც ის მოხსნის სანქციების დაწესების მიზეზებს.

სირიის ავიაბაზისა და ავღანელი ტერორისტების დაბომბვით, ჩრდილოეთ კორეის კრიზისთან დაკავშირებული მკაცრი პოლიტიკით ტრამპი მკაფიო განცხადებას აკეთებს მთელი მსოფლიოსა და განსაკუთრებით კრემლისთვის - სამყაროში არსებობს მხოლოდ ერთი ზესახელმწიფო და სუსტი ეკონომიკის მქონე და ტექნოლოგიურად ცამორჩენილ რუსეთს ადრე თუ გვიან ამასთან შეგუება მოუწევს.

თავად ტრამპისთვის, რომლის ხალხის რუს ჩინოვნიკებთან კავშირზე ამდენი იწერება, მნიშვნელოვანია, რომ ამერიკას დაანახოს განსხვავება მასსა და ობამას შორის - აშშ-ს კონგრესი მხარს დაუჭერს პრინციპულ და მკვეთრი პოზიციის ქონე და არა პუტინთან დათმობებზე წამსვლელ პრეზიდენტს.

"პუტინს არ შეუძლია მართოს ქვეყანა, რომელიც იზოლაციაშია და რომლის ეკონომიკაც ჩამონგრევის პირასაა მისული, ხოლო ტრამპს არ უნდა მართოს ქვეყენა ობამას სტილში," - წერს ექსპერტი.