პოპულარული ამერიკული სერიალი „სკანდალი“ მეშვიდე სეზონით დასრულდება.

ამის შესახებ სერიალის შემქმნელმა შონდა რაიამსმა განაცხდა,

„მე ძალიან მიყვარს ეს შოუ და ბედნიერი ვიქნებოდი რომ ის გრეის ანატომიის მსგავსად ხანგრძლივი ყოფილიყო, მაგრამ დროა, სკანდალი დასრულდეს. მე ვიცოდი, როგორ უნდა გაგრძელებულიყო სერიალი, მაგრამ შემდეგ პრეზიდენტად დონალდ ტრამპი აირჩიეს. ჩვენ გვქონდა დანიშნულება, ახლა აღარ ვიცი, რა არის ის“ - განაცხადა შონდა რაიამსმა.

სერიალი ABC-ის ეთერში 2012 წლიდან გადის და ამჟამად მეექვსე სეზონს ვადევნდებთ თვალ-ყურს.

შოუს სიუჟეტი საზოგადოებასთან ურთიერთობის სპეციალისტის - ოლივია პოუპის გარშემო ვითარდება. რომელიც აშშ-ის პრეზიდენტთან მუშაობდა, რომელთან სასიყვარულო ურთიერთობაშიც გაებმება.

მოგვიანებით, ის ქმნის თავის ანტიკრიზისულ სააგენტოს, რომლის მიზანია, გაუმკლავდეს და აღმოფხვრას მაღალჩინოსანი კლიენტების პრობლემები, სანამ მათ საზოგადოება გაიგებს.

აღსანიშნავია, რომ სერიალის სიუჟეტი ამერიკაში მიმდინარე პოლიტიკურ პროცესებს ეხმაურებოდა, თუმცა ყველაფერი მაშინ შეიცვალა, როცა მე-5 სეზონის ბოლოს, საპრეზიდენტო არჩევნებში ქალმა გაიმარჯვა.