სამხრეთ კორეას ახალი პრეზიდენტი ჰყავს.

საპრეზიდენტო არჩევნებში, ”დემოკრატიული პარტია ტობუროს“ კანდიდატიმა, მუნ ჩე ინმა გაიმარჯვა. მას ამომრჩეველთა 41%-მა მისცა ხმა.

„დემოკრატიული პარტიის“ კანდიდატი ჩრდილოეთ კორეასთან დიალოგის და სამხრეთ კორეის პოლიტიკის შეცვლის მომხრეა.

ქვეყანაში ვადამდელი საპრეზიდენტო არჩევნები ექსპრეზიდენტ პაკ კინ ხეს იმპიჩმენტისა და ხელისუფლებისგან ჩამოშორების შემდეგ დაინიშნა.

სამხრეთ კორეაში პოლიტიკური კრიზისი მას შემდეგ დაიწყო, რაც ცნობილი გახდა, რომ სამხრეთ კორეის პრეზიდენტისთვის განცხადებებს მისი მეგობარი ჩხვე სუნ სილი წერდა. გამოძიების თანახმად, ის სამხრეთ კორეის სახელმწიფო საქმეებში ერეოდა და პრეზიდენტთან ახლო კავშირს საკუთარი ფინანსური სარგებლისთვის იყენებდა.

მარტის დასაწყისში, სამხრეთ კორეის საკონსტიტუციო სასამართლომ მხარი დაუჭირა ქვეყნის პრეზიდენტის პაკ კინ ჰეს იმპიჩმენტს.

საკონსტიტუციო სასამართლოს დასკვნით, პრეზიდენტმა ნამდვილად მისცა მის ახლო მეგობარსა და მრჩეველს სახელმწიფო საქმეებში ჩარევის უფლება და მისი კორუფციულ საქმიანობას დააფარა ხელი. ჩხვე სუნ სილი დაკავებულია, თავად პრეზიდენტმა მოსახლეობას ბოდიში მოუხადა.სამხრეთ კორეის სასამართლომ კი მისი დაკავების ორდერი გასცა.