ლოს ანჯელესში MTV-ის კინო და სატელევიზიო დაჯილდოება გაიმართა

ეს საინტერესოა - 14:51, 08 May, 2017

2380

ლოს ანჯელესში, პოპულარული მუსიკალური ტელეარხის, MTV-ის ტელე და კინოდაჯილდოება გაიმართა. მთავარ ნომინაციებში გამარჯვებულები სტუდია „დისნეის“ რიმეიქი „მზეთუნახავი და ურჩხული“ და სერიალი „უცნაური ამბები“ გახდნენ, რომლებმაც ორ-ორი ჯილდო მოიპოვეს.

MTV-ის ტრადიციული კინოდაჯილდოება წელს მცირედი შეცვლილი სახით გაიმართა.

უფრო კონკრეტულად, დაჯილდოებას სატელევიზიო სეგმენტის ნომინანტებიც დაემატა და ძველი ნომინაცია (საუკეთესო ორთაბრძოლის სცენა, საუკეთესო აღმოჩენა-როლი, საუკეთესო ექშენ-როლი, საუკეთესო სამსახიობო გუნდი და ა.შ.გაუქმდა.

MTV-ის თაობის ჯილდო „ფორსაჟის“ კინოფრანშიზას გადაეცა.

ნომინაციებს შორის გამარჯვებულთა სრული სია ასე გამოიყურება:

წლის საუკეთესო ფილმი - Beauty and the Beast

წლის საუკეთესო სატელევიზიო შოუ - Stranger Things

საუკეთესო მსახიობი ფილმში - ემა უოტსონი (Beauty and the Beast)

საუკეთესო მსახიობი სატელევიზიო შოუში - მილი ბობი ბრაუნი (Stranger Things)

საუკეთესო კომედიური შესრულება - ლილ რეი ჰოური (Get Out)

საუკეთესო გმირი - ტარაჯი პ. ჰენსონი (Hidden Figures)

საუკეთესო უარყოფითი პერსონაჟი - ჯეფრი დინ მორგანი (The Walking Dead)

საუკეთესო დუეტი - ჰიუ ჯეკმენი და დაფნე კინი (Logan)

საუკეთესო წამყვანი - ტრევორ ნოა (The Daily Show)

საუკეთესო კოცნის სცენა - ეშტონ სანდერსი და ჯარელ ჯერომი (Moonlight)