საფრანგეთის შინაგან საქმეთა სამინისტროს ოფიციალური ინფორმაციით, საპრეზიდენტო არჩევნებში ემანუელ მაკრონმა გაიმარჯვა. ბიულეტენების 99.99%-ის დათვლის შედეგად, ემანუელ მაკრონს ამომრჩეველთა 66.06%-მა დაუჭირა მხარი (20 703 694 ხმა), მარინ ლე პენს კი 33.94%-მა (10 637 120 ხმა).

პირველადი შედეგების გამოცხადებისთანამვე მაკრონს გამარჯვება მიულოცეს მსოფლიო ლიდერებმა.

ამერიკის შეერთებული შტატების ყოფილმა საპრეზიდენტო კანდიდატმა ჰილარი კლინტონმა კი განაცხადა, რომ საფრანგეთის საპრეზიდენტო არჩევნებში დამარცხება განიცადეს მათ, ვინც დემოკრატიულ პროცესებში ერევა.

„გამარჯვება მაკრონისთვის, საფრანგეთისთვის, ევროპისა და მსოფლიოსთვის. დამარცხება მათთვის, ვინც დემოკრატიულ პროცესებში ერევა" - წერს კლინტონი თვითრზე.