"მე ძალიან მიხარია, რომ ჩემმა მეგობარმა ემანუელ მაკრონმა ამ გამარჯვებას მიაღწია. ეს კარგი დღეა როგორც საფრანგეთისთვის, ასევე გერმანიისთვის," - წერს ,გერმანიის საგარეო საქმეთა მინისტრი ზიგმარ გაბრიელი.
"ჩემი მილოცვებიო ემანუელ მაკრონს და ფრანგებს, რომლებმაც ხმა მისცეს თავისუფლებას, თანასწორობას და ძმობას," - წერს ევროკავშირის პრეზიდენტი დონალდ ტუსკი.
ევროპული მომავლის გამარჯვება, ასე შეაფასა ევროკომისიის თავმჯდომარემ ჯან კლოდ იუნკერმა მაკრონის წარმატება.
"ვულოცავ ემანუელ მაკრონს დღევანდელ გამარჯვებას და საფრანგეთის პრეზიდენტად არჩევას. მოუთმენლად ველოდები მასთან ერთად მუშაობას" - წერს აშშ-ის პრეზიდენტი, დონალდ ტრამპი თვითერზე.
თვითერზევე გამოეხმაურა მაკრონის გამარჯვებას ევროპის საბჭოს პრეზიდენტი დონალდ ტუსკი.
"ემანუელ მაკრონის გამარჯვება არის თავისუფლების, თანასწორობისა და ძმობის გამარჯვება. ეს არის გამარჯვება ყალბ ინფორმაციაზე" - წერს დონალდ ტუსკი.
„ვულოცავ ემანუელ მაკრონს საფრანგეთის პრეზიდენტად არჩევას. მოუთმენლად ველოდები პრეზიდენტ მაკრონთან ერთად მუშაობის დაწყებას, რათა ერთად დავუპირისპირდეთ იმ გამოწვევებს, რომლის წინაშე ჩვენი დემოკრატია დგას“ - განაცხადა ისრაელის პრემიერმა ბენიამინ ნეთანიაჰუმ.
მაკრონს გაპრეზიდენტება მიულოცა კანადის პრემიერმა ჯასტინ ტრუდომაც. ტრუდოს თქმით, მოუთმენლად ელის მაკრონთან მუშაობის დაწყებას.
მასალის გამოყენების პირობები






