საფრანგეთში მიმდინარე საპრეზიდენტო არჩევნების მეორე ტურში, პირველთან შედარებით, ოდნავ დაბალი აქტივობაა დაფიქსირებული. ამის ერთერთი მიზეზი, ექსპერტების აზრით, ბოიკოტია, რომელსაც პირველ ტურში დამარცხებული ჟან-ლუკ მელანშონის მხარდამჭერებმა გამოაცხადეს. მათი უმრავლესობა ან არ მიდის არჩევნბზე, ან ბიულეტენებში საკუთარი ფავორიტის გვარს წერს.

მხარდამჭერებისაგან განსხვავებით, თავად მელანშონს არჩევნებისთვის ბოიკოტი არ გამოუცხადებია და პარიზის ერთერთ საარჩევნო უბანში საკუთარი ნებაც გამოხატა.

შეგახსენებთ, რომ პირველ ტურში დამარცხებულმა წამყვანმა კანდიდატებმა - ფრანსუა ფიიონმა და ბენუა ამონიმ, ისევე როგორც მოქმედმა პრეზიდენტმა ფრანსუა ოლანდმა, საკუთარ ამომრჩევლებს მაკრონის მხარაჭერისკენ მოუწოდეს.