ექსპერტი-პოლიტოლოგები, რომლებიც არჩევნებში გამარჯვებას ემანუელ მაკრონს უწინასწარმეტყველებენ, მისი საგარეო პოლიტიკის პროგნოზირებასაც ახდენენ. მათი თქმით, მაკრონი არ შეცვლის დღევანდელ კურსს, რომელიც გერმანიასთან მჭიდრო თანამშრომლობაზეა აგებული.

მაკრონის პრეზიდენტობისას არ შეიცვლება საფრანგეთის დამოკიდებულება ისეთი საკითხების მიმართ, როგორიცაა რუსეთთან ურთიერთობა და სირიის კრიზისი.

"რუსეთთან ურთიერთობა დარცება ისეთივე, როგორიც ახლაა - რთული და არამეგობრიული," - აცხადებენ ექსპერტები.

რაც შეეხება სირიას, მაკრონის მთავარ ამოცანად კვლავ "ისლამური სახელმწიფოსა" და საერთაშორისო ტერორიზმთან ბრძოლა დარჩება. საფრანგეთის ახალი ხელისუფალი არ აღიარებს ბაშარ ასადს პარტნიორად ამ ბრძოლაში და სირიასთან მიმიმართებაში ამერიკის შეერთებული შტატების შემდგომ ნაბიჯებს დაელოდება.