კასინიმ სატურნის რგოლებს შორის "დიდი სიცარიელე" აღმოაჩინა

ეს საინტერესოა - 18:07, 06 May, 2017

5591

NASA-ს უპილოტო კოსმოსური ხომალდის Cassini-ს „მოგზაურობის“ უმნიშვნელოვანეს ეტაპს, მოუთმენლად ელოდნენ მეცნიერები და არა მხოლოდ მეცნიერები.

კასინიმაც, წარმატებით შეასრულა მისი საბოლოო მისიის პირველი ეტაპი. კაცობრიობის ისტორიაში პირველად, სატურნსა და მის რგოლებს შორის ჩაიფრინა, კონტაქტზეც გამოვიდა და დედამიწაზე სატურნის ატმოსფეროს პირველი ფოტოებიც გამოგზავნა.

კასინი, პირველი კოსკომური აპარატია, რომელიც სატურნს უპრეცედენტო მანძილით მიუახლოვდა, სწორედ ამიტომ, მის ინფორმაციას ბევრი პასუხგაუცემელი კითხვისთვის უნდა გეცა სათანადო პასუხები.

როგორც მეცნიერები აცხადებდნენ, თუკი კასინი 26 აპრილის მოგზაურობას გადაურჩებოდა, დედამიწასთან კონტაქტზე ის 27 აპრილს უნდა გამოსულიყო. მისიაც წარმატებით განხორციელდა.

მეორედ ამგავრი ჩაშვება ხომალდმა 2 მაისს განახორციელა.

თუმცა, კასინის მიერ მიწოდებული ინფორმაციის შესწავლისას, მეცნიერებმა აღმოაჩინეს, სატურნსა და მის რგოლებს შორის, არათუ კოსმოსური მტვერი, საერთოდ არაფერია.

„სატურნსა და მის რგოლებს შორის, როგორც ჩანს, დიდი სიცარიელეა. კასინი განაგრძობს მისიას, მეცნიერები კი იმ საიდუმლოზე მუშაობას, რატომ აღმოჩნდა მტვრის დონე იმაზე დაბალი, ვიდრე მოსალოდნელი იყო“ - განაცხადა კასინის პროექტის მენეჯერმა, ეარლ მაიზი

Cassini მსგავს მანევრს კიდევ 20-ჯერ შეასრულებს, რის შემდეგაც მისიას დაასრულებს, სატურნის ატმოსფეროში შევა და დაიწვება.

კასინი NASA-ს, ევროპის კოსმოსური სააგენტოსა და იტალიის კოსმოსური სააგენტოს ერთობლივი, 20-წლიანი პროექტია. ხომალდი 1997 წელს გაუშვეს, სატურნის ორბიტაზე კი 2004 წელს გავიდა.

ხომალდის განადგურების გადაწყვეტილება მისიის ხელმძღვანელებმა სატურნის ერთ-ერთ მთვარესთან — ენცელადთან მისი შესაძლო შეჯახების გამო მიიღეს. ვინაიდან, ენცელადის ზედაპირქვეშა ოკეანეში შესაძლოა, არამიწიერი სიცოცხლე იყოს, შეჯახების შემთხვევაში არსებობს ენცელადის დედამიწისეული მიკრობებით დაბინძურების შანსი.