იტალიაში გამართულ კონფერენციაზე ევროკომისიის პრეზიდენტმა ჟან-კლოდ იუნკერმა განაცხადა, რომ „ინგლისური ენა ევროპაში მნიშვნელობას კარგავს“.

როგორც ბიბისი იტყობინება, ბრექსითის მოლოდინში არსებული დაძაბულობის ფონზე, ჟან კლოდ იუნკერმა განცხადება ფრანგულ ენაზე გააკეთა.

“ნელა, მაგრამ დანამდვილებით, ინგლისური ენა ევროპაში მნიშვნელობას კარგავს და პარალელურად საფრანგეთში არჩევნებია” – განმარტა იუნკერმა ენის ცვლილება.

დიდი ბრიტანეთის ევროკავშირიდან გასვლას ევროკომისიის პრეზიდენტმა „ტრაგედია” უწოდა.

„რა თქმა უნდა, ჩვენ გამჭვირვალედ წარვმართავთ მოლაპარაკებებს ჩვენს ბრიტანელ მეგობრებთან, მაგრამ უნდა გვახსოვდეს, რომ ევროკავშირი კი არ ტოვებს დიდ ბრიტანეთს, პირიქით, დიდი ბრიტანეთი ტოვებს ევროკავშირს. ეს ის განსხვავებაა, რომელსაც მომდევნო წლების განმავლობაში ვიგრძნობთ“ - განაცხადა იუნკერმა.