ჩრდილოეთ კორეა აშშ-სა და სამხრეთ კორეას, ქვეყნის ლიდერის, კიმ ჩენ ინის მკვლელობის მცდელობაში ადანაშაულებს.

როგორც CNN იტყობინება, ჩრდილოეთ კორეის სახელმწიფო საინფორმაციო სააგენტო KCNA-ს ცნობით, ჩრდილოეთ კორეის სახელმწიფო უსაფრთხოების სამინისტრომ ანგარიში გამოაქვეყნა, რომლის თანახმად, ამერიკის შეერთებული შტატების ცენტრალური სადაზვერვო სამსახურისა და სამხრეთ კორეის დაზვერვის სამსახურის წარმომადგენლებმა, ქვეყანაში ფარულად შეაღწიეს . მათ გეგმას კი ჩრდილოეთ კორეის ლიდერის, კიმ ჩენ ინის ბიო-ქიმიური ნივთიერებით მოკლვა წარმოადგენდა.

ადგილობრივი სააგენტოს მტკიცებით, კიმ ჩენ ინზე თავდასხმა დაგეგმილია სამხედრო აღლუმის დროს, თუმცა ისე, რომ თავდასხმის შედეგები 6 ან 12 თვეში იჩენს თავს.