მოსამართლეთა რიგგარეშე კონფერენციის დაწყებისას მოსამართლეთა გარკვეული ნაწილი ადმინისტრაციული კომიტეტის მიერ წარმოდგენილი დღის წესრიგის შეცვლასა და ახალი დღის წესრიგის დამტკიცებას ითხოვდა. აღნიშნულ საკითხს არ დაეთანხმა კონსტანტინე კუბლაშვილი, რადგან ახალი დღის წესრიგი წარმოდგენა კანონით არ არის გათვალისწინებული. კენჭისყრის შედეგად, მოსამართლეთა რიგგარეშე კონფერენციის დღის წესრიგში საკითხების თანმიმდევრობის ცვლილება არ მოხდა.

ამჟამად, მოსამართლეები საბჭოში იმ სამი ადგილის დაკავების წესზე დაობენ, რომელიც კანონით თანამდებობის პირი მოსამართლეებისთვის - კოლეეგიისა და პალატის თავმჯდომარეებისთვისაა განსაზღვრული.

ერთი ნაწილი მიიჩნევს, რომ თუ კანონით განსაზღვრულ სამ ადგილზე კოლეგიისა და პალატის თავმჯდომარეები ხმათა 2/3-ით ვერ აირჩევიან, მეორე ტურში ყველა რიგით მოსამართლეს მიეცეს კენჭისყრაში მონაწილეობის უფლება.

არსებობს მეორე მოსაზრებაც, რომ სამი ადგილი იუსტიციის უმაღლეს საბჭოში უნდა ეკავოს კოლეგიისა და პალატის თავმჯდომარეებს და თუ მათი კანდიდატურები 2/3-ით ვერ აირჩვეა, მეორე ტურში ისინი ხმათა უმრავლესობით დამტკიცდნენ.