რუსეთის საგარეო საქმეთა სამინისტრო განცხადებას ავრცელებს აშშ-ის სახელმწიფო დეპარტამენტის მოხსენებაზე, რომელიც სახელმწიფოებს შორის იარაღის გაუვრცელებლობაზე კონტროლის შესახებ შეთანხმებას ეხება.

განცხადების ერთ-ერთ ქვეთავში ბიოლოგიური და ტოქსიკური იარაღის გავრცელებაზეა საუბარი, სადაც საქართველოც არის ნახსენები.

„არ შეიძლება, არ გვაწუხებდეს აშშ-ის გეგმა, რუსეთის საზღვრების პერიმეტრზე სამხედრო-ბიოლოგიური ობიექტების განლაგების შესახებ.

განსაკუთრებით შემაშფოთებელია საქართველოში(ალექსეევკას დასახლებაში) შეერთებული შტატების ქვეითი ჯარების სამედიცინო კვლევების სამმართველოს მნიშვნელოვანი გაძლიერება. პენტაგონი ანალოგიურ პროექტებს ჩვენი სხვა მეზობელი ქვეყნების ტერიტორიაზეც ახორციელებს“- ნათქვამია რუსეთის საგარეო უწყების განცხადებაში.