ევროკავშირის საბჭოს პრეზიდენტის დონალდ ტუსკის განცხადებით, ევროკავშირის ბლოკიდან დიდი ბრიტანეთის გასვლის პროცესის დასრულება იმ შემთხვევაშია შესაძლებელი, თუ იგი ერთიანი დარჩება, შესაბამისად ევროკავშირის ერთიანობა დიდი ბრიტანეთის ინტერესებში შედის.

ევროკავშირის სამიტის დაწყებამდე, ჟურნალისტებთან საუბრისას ტუსკმა გაიმეორა, რომ 27 ქვეყანა, რომლებიც ევროკავშირში იმყოფებიან, ლონდონთან „ახლო და ძლიერი სამომავლო ურთიერთობისკენ“ იღწვიან.

„ამაში არავითარი ეჭვი არ არსებობს, მაგრამ მანამ სანამ მომავალს განვიხილავთ, ჩვენს წარსულში უნდა გავერკვეთ, ჩვენ მას სამართლიანად გავუმკლავდებით. ეს ერთადერთი შესაძლებლობაა წინსვლის გასაგრძელებლად“, - განაცხადა მან, რომელმაც დიდი ბრიტანეთის ფინანსური ვალდებულებები იგულისხმა ევროკავშირის ბიუჯეტთან მიმართებით.

„ჩვენ ერთიანნი უნდა ვიყოთ. მხოლოდ ამ შემთხვევაში შევძლებთ მოლაპარაკებების დასრულებას, ეს კი იმას ნიშნავს, რომ ჩვენი ერთიანობა დიდი ბრიტანეთის ინტერესებშიც არის. ეს ევროკავშირისა და დიდი ბრიტანეთისთვის ნომერ პირველი პრიორიტეტი უნდა იყოს. კომისიამ უკვე მოამზადა ზუსტი და დეტალური სია იმ ადამიანებისა, რომელთა დაცვაც ჩვენ გვსურს“, - განცხადა ტუსკმა.

მისივე თქმით, ამ პოზიაციას 27-ვე ქვეყნის ხელისუფლება იზიარებს:

„ვიცი, რომ ეს რაღაც უნიკალურია, მაგრამ დარწმუნებული, ვარ რომ ეს არ შეიცვლება“, - დასძინა მან.