მასობრივი გაფიცვა ბრაზილიაში არეულობაშ და დაპირისპირებაში გადაიზარდა. მასობრივი გაფიცვა ქვეყანაში უკანასკნელი 20 წლის განმავლობაში პირველად მოხდა. გაფიცვაში მონაწილეებმა ავტობუსები და ავტომობილები დაწვეს რიო დე ჟანეიროს ცენტრში. გზებზე აქტივისტებმა ბარიკადები ააგეს, სხვადასხვა მაღაზიები და სავაჭრო ცენტრები ვარნადალიზმის მსხვერპლი გახდნენ.

დიდი ხნის განმავლობაში გაფიცვა საკმაოდ მშვიდობიან სახეს ატარებდა. ადამიანების დიდი რაოდენობა, გაფიცვას არ უერთდებოდა, მაღაზიები, სკოლები და სხვადასხვა ორგანოები დახურული იყო.

პროფკავშირებმა გაფიცვის ერთ-ერთ მთავარ მიზეზად, ქვეყანაში წამოწყებული საპენსიო რეფორმა დაასახელეს.

ქვეყნის პრეზიდენტმა მიშელ ტემერმა რიოში მომხდარი ვანდალიზმის გამო შეშფოთება გამოთქვა. თუმცა, აღნიშნა, რომ ქვეყნის მოდერნიზაციისთვის ხელისუფლება ძალისხმევას არ დაიშურებს.

მისი თქმით, ბრაზილიის მუშათა კლასი და ხელისუფლება ერთად მუშაობს, რათა ქვეყანა მისი ისტორიის ერთ-ერთი უდიდესი კრიზისიდან გამოიყვანონ.

პროფკავშირების წარმომადგენლების განცხადებით, ქვეყნის უღარიბესი ფენა დიდ დარტყმას მიიღებს საპენსიო ასაკის გაზრდითა და დახმარებების შემცირებით.

ხელისუფლების თქმით, დაგეგმილი ზომები აუცილებელია, რათა გაექცნენ საპენსიო სისტემის კრახს.

გაფიცვის შედეგები მთელ ქვეყანაში იგრძნობა. ადამიანების დიდი რაოდენობა შინ რცებოდა, სხვები კი მხოლოდ დილის საათებში მუშაობდნენ. საავტომობილო გზები ბლოკირებული იყო სან პაულოში, რიოსა და სხვა ქალაქებში.

გვიან ღამით ოპოზიციური პარტიების ნაწილმა მონაწილეობა მიიღეს მიტინგებსა და საპროტესტო აქციებში, რათა გამოეხატათ საკუთარი უკმაყოფილება საპენსიო რეფორმასთან მიმართებით.

მასობრივი არეულობების შედეგად, სამართალდამცავებმა აქციების მონაწილეთა წინააღმდეგ ცრემლსადენი გაზი გამოიყენეს, აქციის მონაწილეებმა კი მათ ქვების სროლით უპასუხეს.

ბრაზილიური მედიის ცნობით, არეულობების შედეგად დაიწვა 8 ავტობუსი.