გამოკითხულ ამერიკელთა 57% რუსეთს არამეგობრულ ან მტრულ სახელმწიფოდ მიიჩნევს

მსოფლიო - 15:12, 28 Apr, 2017

2264

CNN-ისა და კვლევითი სამსახურის ORC-ის მიერ ჩატარებული კვლევის თანახმად, გამოკითხული ამერიკელების უმრავლესობა - 57% რუსეთს აშშ-სთვის არამეგობრულ ან მტრულ სახელმწიფოდ მიიჩნევს.

გამოკითხვის თანახმად, რუსეთს აშშ-ისთვის არამეგობრულ ქვეყანად 32% თვლის, 25% კი მტრად. გამოკითხულთა 33% მიიჩნევს რომ აშშ მეგობარი ქვეყანაა, ხოლო 8% მოკავშირედ თვლის.

გამოკითხვის ფარგლებში, რესპონდენტებმა ასევე უპასუხეს კითხვას: ჩაერია თუ არა რუსეთი აშშ-ის საპრეზიდენტო არჩევნებში.
გამოკითხულთა 46% მიიჩნევს, რომ რუსეთის ჩარევა აშშ-ის საპრეზიდენტო არჩევნებში „უკიდურესად“ ან „ძალიან“ სავარაუდოა.

რაც შეეხება სირიის საკითხს, გამოკითხულთა 51% აცხადებს, რომ ისინი „ძალიან შეშფოთებულები“ არიან. 45 % აცხადებს, რომ აშშ-ის მთავარი მიზანი ISIS-ის დამარცხება უნდა იყოს, 33% კი თვლის, რომ ქვეყნის მთავარი პრიორიტეტი ჰუმანიტარული დახმარების გაწევაა.

ჩრდილოეთ კორეის საკითხზე საუბრისას კი , გამოკითხულთა 37%-მა პროცენტმა განაცხადა, რომ ჩრდილოეთ კორეას მიმდინარე საფრთხედ მიიჩნევს. გამოკითხულ ამერიკელთა 67% კი აცხადებს, რომ ჩრდილოეთ კორეის თავდასხმის შემთხვევაში სამხრეთ კორეის დასაცავად სამხედრო ძალის გამოყენებას უჭერენ მხარს.