ფეთჰულა გიულენთან კავშირის ბრალდებით თურქეთში 9 000-ზე მეტი პოლიციელი გაათავისუფლეს

მსოფლიო - 12:52, 27 Apr, 2017

1842

თურქმა სამართალდამცავებმა , 2016 წლის სამხედრო გადატრიელების მცდელობასა და ფეთჰულა გიულენის ორგანიზაციასთან კავშირის ბრალდებით , 9 000-ზე მეტი სამართალდამცავი გაათავისუფლა.

პოლიციის ინფორმაციით, დაკავებები "ეროვნული უსაფრთხოების ინტერესებიდან" გამომდინარე განხორციელდა.

გუშინ გავრცელდა ინფორმაცია, რომ გიულენის ორგანიზაციასთან კავშირის ბრალდებით , 1000-ზე მეტი ადამიანი დააკავეს.

შეგახენებთ, 2016 წლის 15 ივლისის ღამეს, თურქეთში სამხედრო ამბოხი მოხდა, რომლის ორგანიზატორად , ანკარა პრეზიდენტ ერდოღანის ოპოზოციონერ , სასულიერი პირს ფეთჰულა გიულენს ასახელებს და ვაშინგტონისგან მის ექსტრადირებას ითხოვს.

ფეთჰულა გიულენი 1999 წლიდან პენსილვანიაში ცხოვრობს.

სამხედრო გადატრიალების მოწყობის მცდელობას 230 ადამიანი ემსხვერპლა, მათი უმრავლესობა თავად სამხედროა.

15 ივლისის შემდეგ სამსახურიდან დაითხოვეს და დააპატიმრეს ათი ათასობით სამხედრო, მოსამართლე, პოლიციელი, მასწავლებელი. ქვეყანაში დაიხურა 100-ზე მეტი მედიასაშუალება, რის შედეგადაც სამსახურის გარეშე დარჩა 2 300-ზე მეტი ჟურნალისტი.

15 ივლისის მოვლენების შემდეგ თურქეთში მინიმუმ 99 ჟურნალისტი და მწერალი დააკავეს, მინიმუმ 330-ს აკრედიტაცია ჩამოართვეს.

სამხედრო გადატრიალების შემდეგ სულ 40 000 ადამიანი დააკავეს, სამსახურებიდან გაათავისუფლეს ან საქმიანობა შეუჩერეს 120 000-მდე ადამიანს.