რა ინფორმაციას ინახავს "კრედიტინფო" თქვენზე - მოქალაქეებს საკუთარი საკრედიტო ისტორიის ნახვა უკვე ონლაინ რეჟიმში შეუძლიათ

ბიზნესი & ეკონომიკა - 11:24, 26 Apr, 2017

13964

"კრედიტინფო საქართველო" მოქალაქეებს სთავაზობს საკუთარ საკრედიტო ისტორიას თვალყური ინტერნეტით მიადევნოს. ახალი სერვისის მეშვეობით შესაძლებელი იქნება ინფორმაციის მიღება დახურული და მიმდინარე კრედიტების, საკრედიტო ქულისა და რეიტინგის შესახებ, ფაქტორებზე, რომლებიც გავლენას ახდენენ საკრედიტო ქულაზე და ინფორმაცია საკრედიტო რეპორტში განხორციელებულ ცვლილებებსა და ძიებებზე. ახალ სისტემაზე გადასვლა 20 აპრილიდან ხორციელდება. სერვისები რამდენიმე ტიპის იქნება:

ჩემი კრედიტინფო საბაზისო – ღირებულება 5 ლარი – ფიზიკური და იურიდიული პირი, წვდომის ხარნგრძლივობა 30 დღე. ამ მომსახურების შეძენის შემთხვევაში მომხმარებელს საშუალება ექნება ნახოს საკუთარი საკრედიტო რეპორტი. აღნიშნულ პაკეტში არ შედის საკრედიტო რეიტინგი და მონიტორინგის შეტყობინებების მიღება;

ჩემი კრედიტინფო სტანდარტული – ღირებულება 20 ლარი – ფიზიკური და 30 ლარი – იურიდიული პირი, წვდომის ხანრგრძლივობა – 365 დღე; ამ მომსახურების შეძენის შემთხვევაში მომხმარებელს საშუალება ექნება ნახოს:

ა) საკუთარი საკრედიტო რეპორტი

ბ) საკრედიტო რეიტინგი (ანუ ქულა)

გ) გასული 12 თვის საკრედიტო რეიტინგის დინამიკა

დ) მიზეზები რაც გავლენას ახდენს მის საკრედიტო რეიტინგზე

ჩემი კრედიტინფო პრემიუმი – ღირებულება 30 ლარი – ფიზიკური და 50 ლარი – იურიდიული პირი, წვდომის ხანგრძლივობა – 365 დღე; ამ მომსახურების შეძენის შემთხვევაში მომხმარებელს საშუალება ექნება ნახოს:

ა) საკუთარი საკრედიტო რეპორტი

ბ) საკრედიტო რეიტინგი

გ) გასული 12 თვის საკრედიტო რეიტინგის დინამიკა

დ) მიზეზები რაც გავლენას ახდენს მის საკრედიტო რეიტინგზე

ვ) მიიღოს შეტყობინებები საკრედიტო რეპორტში განხროციელებულ ცვლილებებზე ან ძიებებზე სხვა ორგანიზაციების მხრიდან. ცვლილებებში შედის: ახალი სესხის აღება, სესხის დახურვა, გადახდის განხორციელება.

არსებობის 12 წლის განმავლობაში "კრედიტინფო საქართველოში" 18 მილიონი ჩანაწერი დაგროვდა. აქედან 2 მილიონზე მეტი ჩანაწერი ფიზიკურ პირებს ეხება