პედრო აგრამუნტის პოზიცია თანამდებობიდან გადადგომის შესახებ 28 აპრილს გახდება ცნობილი

მსოფლიო - 10:30, 26 Apr, 2017

1536

ევროპის საბჭოს საპარლამენტო ასამბლეის პრეზიდენტმა პედრო აგრამუნტმა რუსი დეპუტატის თანდასწრებით სირიის პრეზიდენტთან შეხვედრის საკითხის განხილვისას, დეპუტატების მოწოდებას არ უწოდა.

მისი პოზიცია, თანამდებობიდან გადადგომის შესახებ 28 აპრილს გახდება ცნობილი.

შეგახსენებთ, საქმე ეხება ოფიციალურ შეხვედრას. სირიაში, პედრო აგრამუნტმა შეხვედრა გამართა სირიის პრეზიდენტთან, რომელსაც რუსეთის დუმის დეპუტატიც ესწრებოდა.

აღნიშნული შეხვედრის გამო, დეპუტატებმა მას გადადგომისკენ მოუწოდეს.

აგრამუნტმა ბოდიში მოიხადა და განაცხადა, რომ ეს „შეცდომა იყო.“

„განცხადება მინდა, სირიაში ჩემი ვიზიტის შეფასებით დავიწყო, რომლის გამოც ბევრმა თქვენგანმა შეშფოთება გამოთქვა.კარგად მესმის თქვენი შეშფოთების, მით უფრო თუ გავითვალისწინებთ ზოგიერთი მედიასაშუალების ამ ვიზიტის გაშუქებას. მინდა გითხრათ, რომ ეს ვიზიტი შეცდომა იყო და მე ამას გულწრფელად ვაღიარებ. ბოდიშს ვიხდი ამ შეცდომისთვის.

პირველი შეცდომა ის იყო, რომ სათანადოდ ვერ შევაფასე ასამბლეის წევრების მხრიდან მოსალოდნელი რეაქცია. ვფიქრობდი, ეს ვიზიტი სირიის კონფლიქტის მოგავრების პროცესში წვლილის შეტანის შესაძლებლობას მომცემდა. მეორე შეცდომა კი ის იყო, რომ პირდაპირ არ ჩავაყენე საქმის კურსში პოლიტიკური ჯგუფების ლიდერები. მესამე შეცდომა კი ჩემგან დამოუკიდებელია, რადგან ვერ გავაკონტროლებდი, ზოგიერთ რუსულ მედიასაშუალებას“ - განაცხადა აგრამუნტმა.

რეგლამენტით პედრო აგრამუნტის გადაყენება და იმპიჩმენტის საკითხის დაყენება დეპუტატებს არ შეუძლიათ. დეპუტატები აგრამუნტს მოუწოდებენ გადადგომის შესახებ გადაწყვეტილება თავად მიიღონ.