23.86%- მაკრონი, 21.43 %- ლე პენი - საფრანგეთის საპრეზიდენტო კანდიდატებს შორის სხვაობა გაიზარდა

მსოფლიო - 12:41, 24 Apr, 2017

2363

23 აპრილს საფრანგეთში საპრეზიდენტო არჩევნების პირველი ტური გაიმართა. საფრანგეთის მეხუთე რესპუბლიკისთვის რიგით მე-11 საპრეზიდენტო არჩევნებში მონაწილეობა ამომრჩეველთა 78,23%-მა მიიღო. ამ დროისთვის დათვლილია ბიულეტენების 97%, რომლის მიხედვითაც ამომრჩეველთა 23.86% -მა პროცენტმა მხარი მოძრაობა «En marche!»-ის დამფუძნებელ, 39 წლის ცენტრისტ ემანუელ მაკრონს დაუჭირა.

21.43 %-იანი მხარდაჭერა მოიპოვა ულტრამემარჯვენე პარტიის ლიდერმა 48 წლის მარინ ლე პენმა. რესპუბლიკელი ფრანსუა ფიიონი (62 წლის) 2007-2012 წლებში საფრანგეთის პრემიერმინისტრის პოსტს იკავებდა, 19.94%-ით მესამე ადგილზე გავიდა. მემარცხენე 65წლის ჟან-ლუკ მელანშონი კი 19.62-ით მეოთხეზე.

პრეზიდენტობისთვის ბრძოლას ემანუელ მაკრონი და მარინ ლე პენი აგრძელებენ. არჩევნების მეორე ტური 7 მაისს გაიმართება.

აღსანიშნავია ის ფაქტი, რომ მესამე ადგილზე გასულმა ფრანსუა ფიიონმა ემანუელ მაკრონის მხარდამჭერი განცხადება გააკეთა და მის ამომრჩევლებს მოუწოდა მეორე ტურში ხმა მაკრონს მისცენ. მაკრონს უჭერს მხარს სოციალისტური პარტიის კანდიდატი ბენუა ამონიც, რომელმაც არჩევნებში 6.5%-ის აღება შეძლო. ემანუელ მაკრონს მხარდაჭერა გამოუცხადეს საფრანგეთის მოქმედმა პრეზიდენტმა დ პრემიერ-მინისტრმაც.