შედგება თუ არა ნიკოლას ბროუდის "მეორედ მოსვლა" Homeland-ში

ეს საინტერესოა - 12:05, 21 Apr, 2017

7643

მას შემდეგ რაც კერი მეტისონმა ტერორისტებისგან იხსნა აშშ-ის დედაქალაქი, გადაარჩინა ახლო აღმოსავლეთი და გერმანია, აშშ-ის ცენტრალური სადაზვერვო სააგენტოს ყოფილი აგენტი „სამშობლოს“(Homeland) მე-6 სეზონში ნიუ-იორკში დაბრუნდა. სად წაიყვანს მას ბედი, ამას მას შემდეგ გავიგებთ, რაც „სამშობლოს“ მე-7 სეზონი გამოვა. მომავალი სეზონები რომ ნამდვილად იქნება, ამის შესახებ სერიალის შემქმნელებმა ჯერ კიდევ მე-6 სეზონის გამოსვლამდე დადეს პირობა და მაყურებელს მე-7, მე-8 სეზონებსაც დაპირდნენ. პასუხი კითხვაზე, როდის გამოვა მე-7 სეზონი, ცოტა რთულია. პირველი 5 წელი სერიალის სეზონები რეგულარულად შემოდგომით გამოდიოდა, განსხვავებული იყო მე-6 სეზონი, როდესაც ის 2016 წლის შემოდგომის ნაცვლად 2017 წლის იანვარში დაიწყო, სწორედ ამის გამო ნაკლებ მოსალოდნელია, რომ სერიალი ძველ გრაფიკს დაუბრუნდეს და მე-7 სეზონი 2017 წლის შემოდგომაზე დაიწყოს.

მე-3 სეზონის ბოლოს Homeland-მა გაანადგურა თავისი ერთ-ერთი ვარსკვლავი და მთავარი გმირი ნიკოლას ბროუდი, მე-6 სეზონის ბოლოს ბროუდის გზას კერიზე შეყვარებული მორიგი მამაკაცი-პიტერ ქვინი გაუყენეს.

პიტერ ქვინი ერთხელ უკვე დაბრუნდა „იმ ქვეყნიდან“, როდესაც ის ზარინით მოწამლული გადაარჩინეს. ფაქტია რომ რეჟისორები მის დაბრუნებას აღარ აპირებენ. თუმცა ალექს განსა, რომელიც „სამშობლოს“ შემქმნელი და აღმასრულებელი პროდიუსერია, შეუძლებლად არ მიიჩნევს, რომ სერიალში „ფლეშბექის“ წყალობით ისევ გამოჩნდეს ნიკოლას ბროუდი.

“ყველაფერი შესაძლებელია, ვფიქრობ ბროდი კერის წარსულის ისეთი მნიშვნელოვანი ნაწილი იყო, რომ შესაძლებელია ღირდეს მისი პერსონაჟის რაიმე ფორმით კიდევ უფრო განვითარება და შესწავლა. თუმცა გულწრფელად რომ გითხრათ , კერიმ როგორც პერსონაჟმა ბროუდის ეტაპი უკვე უკან მოიტოვა. თავისი ცხოვრების იმ პერიოდში ის ურთიერთობებში გაცილებით გულუბრყვილო და უცოდველი იყო. ახლა კი როგორც ქალი გაიზარდა. პირველ რამდენიმე სეზონში კერიში იყო რაღაც გოგოური, ახლა კი ის უკვე ქალია. მე ვფიქრობ, რომ ამ მიზეზით ალბათ ბროდი წარსულში დარჩება.“ - აცხადებს განსა deadline.com- თან.