თურქეთის პრეზიდენტმა რეჯეპ ტაიპ ერდოღანმა Al Jazeera-სთან ინტერვიუში განაცხადა, რომ მაისში, აშშ-ის პრეზიდენტთან შეხვედრას გეგმავს.

ერდოღანმა იმედი გამოთქვა, რომ ახალი ადმინისტრაციის პირობებში აშშ-თურქეთის უერთიერთობები უფრო მტკიცე იქნება, ვიდრე ეს ბარაკ ობამას დროს იყო. მისი თქმით, პრეზიდენტმა ობამამ თურქეთი მოატყუა.

„პრეზიდენტ ობამასთან ორმხრივი შეთანხმება გვქონდა „ქურთისტანის მუშათა პარტიის“ საკითხზე, მაგრამ ობამამ მოგვატყუა. არა მგონია, რომ ტრამპის ადმინისტრაციან იგივე გააკეთოს”- განაცხადა ერდოღანმა.

თურქეთის პრეზიდენტმა აღნიშნა, რომ რეფერენდუმის შედეგების გამოცხადების შემდეგ, მას დოლანდ ტრამპმა დაურეკა და მიულოცა.

„ყველაზე მნიშვნელოვანი საკითხი, რომელიც საუბრისას განვიხილით, სირიასა და ერაყში მოვლენების განვითარება იყო. მაისში შეხვედრას ვგეგმავთ და ამ საკითხებზე პირისპირ ვიმსჯელებთ“ - დასძინა ერდოღანმა.

საკონსტიტუციო ცვლილებების შესახებ რეფერენდუმი თურქეთში 16 აპრილს ჩატარდა. რეფერენდუმში მონაწილეობა 55 მილიონზე მეტმა ადამიანმა მიიღო. საპრეზიდენტო მმართველობას მხარი 51,7%-მა დაუჭირა. საპრეზიდენტო მოდელის მხარდაჭერის შედეგად, რეჯეფ ტაიპ ერდოღანს საშუალება მიეცემა, ქვეყანას 2029 წლამდე უხელმძღვანელოს.

კონსტიტუციის ცვლლებების თანახმად ფართოვდება პრეზიდენტის უფლებამოსლება, კერძოდ:

1. პრეზიდენტს უფლება ეძლევა პირდაპირ დანიშნოს უმაღლესი სახელმწიფო თანამდებობის პირები, მათ შორის მინისტრები.

2. მას უფლება ეძლევა დანიშნოს ერთი ან რამდენიმე ვიცე-პრეზიდენტი.

3. უქმდება პრემიერ-მინისტრის თანამდებობა.

4. პრეზიდენტს უფლება ექნება ჩაერიოს სასამართლო სისტემის საქმიანობაში.

5. პრეზიდენტი გადაწყვეტს, გამოაცხადოს თუ არა ქვეყანაში საგანგებო მდგომარეობა.