Fox News-მა ვეტერანი და ერთერთი ყველაზე რეიტინგული ტელეწამყვანი ტელეკომპანიის 20-წლიან ისტორიაში, 67 წლის ბილ ო'რაილი სამსახურიდან გაუშვა.

ინფორმაცია, ო’რაილის გათავოსუფლების შესახებ დასავლურმა მედიამ გუშინ გაავრცელა. გავრცელებული ცნობით, მისი სამსახურიდან დათხოვნის მიზეზი, მისი მხრიდან ქალი კოლეგების სექსუალური შევიწროება გახდა.

Fox News-მა ო’რაილის გათავისუფლება დაადასტურა.

"ბრალდებების სრული და დეტალური შესწავლის შემდეგ, კომპანია და ბილი ო'რაილი შეთანხმდნენ, რომ ბილი ო'რაილი აღარ დაბრუნდება ტელეკომპანია Fox News-ზე", - ნათქვამია 21st Century Fox-ის განცხადებაში.

The New York Times-ის ცნობით, ხუთმა ქალმა, ო'რაილისგან შევიწროების გამო, ტელეკომპანიისგან 13 მილიონი აშშ დოლარი მიიღო. აღნიშნული ინფორმაციის გავრცელების შემდეგ კი 50-ზე მეტმა სპონსორმა მისი შოუდან - The O'Reilly Factor რეკლამები მოხსნა.

ბილ ო'რეალი Fox News-ში დაარსების დღიდან მუშაობდა.