"თავს დედაზე ფიქრს ვუკრძალავდი, მაგრამ ის არსად მიდიოდა" - პრინცი ჰარი ლედი დაიანას გარდაცვალებაზე საუბრობს

მსოფლიო - 13:51, 19 Apr, 2017

31853

ბრიტანეთის სამეფო ოჯახის წარმომადგენელმა, პრინცმა ჰარიმ ტელეგრაფთან ინტერვიუში დედის გარდაცვალებაზე ისაუბრა და განაცხადა, რომ მას ფსიქოლოგიურ პრობლემები ჰქონდა.

„შემიძლია ვთქვა, რომ მას შემდეგ, რაც თორმეტი წლის დედა დავკარგე, შემდგომი ოცი წლის განმავლობაში, მომიწია უარი მეთქვა ჩემს გრძნობებზე.

ამ ყველაფერმა დიდი გავლენა მოახდინა როგორც ჩემ პირად ცხოვრებაზე, ასევ ჩემ საქმიანობაზე. ამ დიდ განსაცდელს ასე ვუმკლავდებოდი - თავს დედაჩემზე ფიქრს ვუკრძალავდი იმ მოსაზრებით, რომ ეს მაინც ვერაფერს შეცვლიდა, დედას ვერაფერი დამიბრუნებდა, მაგრამ ის არსად მიდიოდა “- განაცხადა ჰარიმ.

მისი თქმით, უამრავი შეკითხვა აწუხებდა, რასაც საკუთარ თავში იკლავდა. „ეს ჩემი ცხოვრების ორწლიანი ქაოსი იყო“ - აღნიშნა პრინცმა.

როგორც პრინცი ჰარი აცხადებს, აღნიშნული პრობლემის დაძლევაში უფროსი ძმა, პრინცი უილიამი დაეხმარა, რომლის ძალისხმევამაც შედეგი გამოიღო და დროთა განმავლობაში, ამ თემაზე საუბარიც დაიწყო.

პრინცის თქმით, „ქაოსური“ მდგომარეობიდან გამოსვლაში კრივიც დაეხმარა.

„კრივმა ნამდვილად გადამარჩინა, ძალიან გაღიზიანებული , აგრესიული ვიყავი, მინდოდა ვინმესთვის დამერტყა, არ ვიცოდი ამ აგრესიას როგორ მოვრეოდი“ - ამბობს ჰარი.

შეგახსენებთ, პრინცესა დაიანა 1997 წელს ავტოკატასტროფას ემსხვერპლა.

პრინცი ჰარისა და უილიამის ინიციატივით კი კენსინგტონის სასახლის ბაღში პრინცესა დაიანას მემორიალური ძეგლი დაიდგმება. სულ მალე კი Feud-ის მეორე ნაწილი გამოვა. სერიალის მეორე სეზონი, პინცესა დაიანას ცხოვრებას შეეხება.