შემზარავი კადრები სირიიდან - ფოტოგრაფმა, რომელიც ბავშვების გადასარჩენად იბრძოდა, ტირილი ვერ შეიკავა

მსოფლიო - 14:48, 17 Apr, 2017

59656

სირიაში, ალეპოს გარეუბანში 15 აპრილს მომხდარი ტერაქტის შედეგად 126 ადამიანი, მათ შორის 68 ბავშვი დაიღუპა. ამის შესახებ ინფორმაცია ბრიტანეთში დაფუძნებული სირიის ადამიანთა უფლებების მონიტორინგის ჯგუფმა გაავრცელა. დანაღმული ავტომობილი იმ ავტობუსების მახლობლად აფეთქდა, რომლითაც მოსახლეობის ევაკუაცია ხდებოდა. დაღუპულთა შორის იყვნენ ჰუმანიტარული ორგანიზაციის თანამშრომლები და სირიის ოპოზიციის წარმომადგენლები, რომლებიც ავტობუსებს იცავდნენ. ასეულობით ადამიანმა სხვადასხვა ხარისხის დაზიანებები მიიღო.

ევაკუაციის კოლონაში მინიმუმ 5 ათასი ადამიანი იყო, მათ შორის იყო როგორც სამოქალაქო პირები ასევე პროსახელისუფლებო მებრძოლებიც.

აფეთქების შემდეგ ადგილზე შემზარავი სანახაობა გააიშალა. სირიელმა ფოტოგრაფმა აბდ ალკადერ ჰაბაკმა დროებით დაივიწყა თავისი პროფესია და რიგით მაშველად იქცა. ინფორმაციას მის შესახებ ფრანგული მედია ავრცლებს. მას დაშავებული და დასახიჩრებული ბავშვები აფეთქების ადგილიდან გამოჰყავდა. მისმა კოლეგებმა ასახეს ის მომენტი, როდესაც ის სანახაობით უკვე სასაოწარკვეთილებაშია ჩავარდნილი და მუხლებზე დაცემული ტირის, უკან ფონზე კი ცეცხლწაკიდებული ავტობუსები, მახლოლად კი ბალახზე სავარაუდოდ მკვდარი ბავშვი ჩანს.