ერდოღანმა პრემიერსა და საკონსტიტუციო ცვლილებების მომხრე პარტიების ლიდერებს გამარჯვება მიულოცა

მსოფლიო - 00:01, 17 Apr, 2017

7179

თურქეთის პრეზიდენტმა რეჯეფ ტაიფ ერდოღანმა პრემიერ-მინისტრ ბინალი ილდირიმსა და იმ პარტიების ლიდერებს, რომლებიც მხარს უჭერდნენ საკონსტიტუციო ცვლილებებს, რეფერენდუმში გამარჯვება მიულოცა. განცხადებას თურქეთის პრეზიდენტის ადმინისტრაცია ავრცელებს.

„პრეზიდენტმა ტელეფონით რეფერენდუმში გამარჯვება მიულოცა „სამართლიანობისა და განვითარების“ პარტიის თავმჯდომარეს, პრემიერ-მინისტრ ბინალი ილდირიმს, „ნაციონალისტური მოძრაობის პარტიის“ თავმჯდომარე დევლეთ ბახჩელის და „დიადი ერთიანობის პარტიის“ თავმჯდომარეს მუსტაფა დესთიჯის. მან ბედნიერება უსურვა თურქ ხალხს“, - ნათქვამია განცხადებაში.

თურქეთში გამართული რეფერენდუმის შედეგები უკვე ცნობილია. ადგილობრივი მედიის ცნობით, 95% ბიულეტენების უკვე დათვლილია და პირველადი შედეგების თანახმად, საპრეზიდენტო მმართველობას მხარი 51,7%-მა დაუჭირა, ხოლო წინააღმდეგი 48,3%-ია.

თურქეთი დღეს ქვეყნის მმართველობის მოდელს ირჩევს – საპრეზიდენტოს ან საპარლამენტოს.

რეფერენდუმში მონაწილეობა 55 მილიონზე მეტმა ადამიანმა მიიღო.

საპრეზიდენტო მოდელს მხარდაჭერის შედეგად, რეჯეფ ტაიპ ერდოღანს საშუალება მიეცემა, ქვეყანას 2029 წლამდე უხელმძღვანელოს.

კონსტიტუციის ცვლლებების თანახმად ფართოვდება პრეზიდენტის უფლებამოსლება, კერძოდ:

1. პრეზიდენტს უფლება ეძლევა პირდაპირ დანიშნოს უმაღლესი სახელმწიფო თანამდებობის პირები, მათ შორის მინისტრები.

2. მას უფლება ეძლევა დანიშნოს ერთი ან რამდენიმე ვიცე-პრეზიდენტი.

3. უქმდება პრემიერ-მინისტრის თანამდებობა.

4. პრეზიდენტს უფლება ექნება ჩაერიოს სასამართლო სისტემის საქმიანობაში.

5. პრეზიდენტი გადაწყვეტს, გამოაცხადოს თუ არა ქვეყანაში საგანგებო მდგომარეობა.