12 წლიანი ქორწინების შემდეგ ბენ აფლეკმა და ჯენიფერ გარნერმა განქორწინების დოკუმენტებს ხელი მოაწერეს. ახლა მათი სამი შვილის მეურვეობის საკითხი გადაწყვეტის პროცესი მიმდინარეობს, წყვილს 11 წლის ვაიოლეტი, 8 წლის სერაფინა და 5 წლის სამუელი ჰყავს.

მსახიობებმა შეხვედრა 2004 წელს დაიწყეს და ერთი წლის შემდეგ დაქორწინდნენ. ინფორმაცია იმის შესახებ, რომ 44 წლის აფლეკი და 44 წლის გარნერი შორდებოდნენ, 2015 წლის ივნისში გახდა ცნობილი. განქორწინების ერთ-ერთ მთავარ მიზეზად აფლეკის ღალატი სახელდება: თუ ჭორებს დავუჯერებთ, მსახიობს ურთიერთობა ემილი რატაკოვსკისთან ჰქონდა, მეორე ვერსიით კი აფლეკს რომანი მისი შვილების ძიძასთან, კრისტინ უზუნიანთან ჰქონდა.

მიმდინარე წლის მარტში აფლეკმა და გარნერმა გადაწყვიტეს თავიანთი ქორწინებისთვის მეორე შანსი მიეცათ, მაგრამ როგორც აღმოჩნდა მიუხედავად სურვილისა, მეორე შანსი უსაფუძვლო აღმოჩნდა.