რუსეთის ფედერაციის სახელმწიფო ტელევიზიამ განაცხადა, რომ ევროვიზიას ბოიკოტს გამოუცხადებს, მას შემდეგ, რაც კონკურსის მასპინძელმა ქვეყანამ, უკრაინამ, განაცხადა, რომ იგი რუსეთის კონკურსანტს ქვეყნის ტერიტორიაზე არ შეუშვებს, მიუხედავად კონკურსის ორგანიზატორების მხრიდან შეთავაზებული ორი კომპრომისისა.

უკრაინამ განაცხადა, რომ რუსი მომღერალი იულია სამოილოვა ვერ შეძლებს კიევში ჩასვლას კონკურსის ფარგლებში, რადგან იგი ყირიმში გამოვიდა, მაშინ, როდესაც რეგიონი რუსეთის მიერ არის ანექსირებული.

მოსკოვმა უკრაინა დისკრიმინაციაში დაადანაშაულა სამაილოვას წინააღმდეგ და განაცხადა, რომ მასპინძელი ქვეყანა კონკურის წესებს არღვევს.

რუსეთის პირველმა არხმა - სახელმწიფო ტელევიზიამ, რომელიც რუსეთის მოსახლეობისთვის ევროვიზიის კონკურსს გადასცემს, განაცხადა, რომ ორგანიზატორებმა უკრაინას შესტავაზეს, რუსეთის სხვა წარმომადგენელი, ან სამოილოვას ვიდეო-მონაწილეობა მოსკოვიდან.

„ჩვენი აზრით, ეს არის დისკრიმინაცია რუსი მომღერლის წინააღმდეგ და რა თქმა უნდა, ჩვენი ჯგუფი არავითარ შემთხვევაში არ დასთანხმდება ასეთ პირობებს“, - განაცხადა გასართობი და მუსიკალური რუბრიკების მთავარმა პროდუსერმა იური აკსიუტამ.

„ბუნებრივია, ჩვენ არ ვიღებთ ევროვიზია 2017-ში მონაწილეობას, რომელიც ჩვენც გვეხება, შესაბამისად არც მის ტრანსლირებას მოვახდენთ. ვფიქრობთ, რომ ასეთი ქმედება ძალიან სერიოზული დარტყმაა კონკურსზე, ეს კი რუსი მაყირებლოსთვის კიდევ ერთი მიზეზია, არ მიაქციონ ყურადღება კონკურსს“, - დასძინა მან.