Daily Mail-ი მელანია ტრამპს მორალური ზიანისთვის 3 მლნ დოლარს გადაუხდის

მსოფლიო - 13:43, 13 Apr, 2017

11261

ბრიტანული გამოცემა Daily Mail დათანხმდა აშშ-ის პირველი ლედი, მელანია ტრამპისთვის ბოდიშის მოხდასა და მორალური ზიანის მიყენებისთვის 3 მილიონი აშშ დოლარის გადახდას. ინფორმაციას Reuters ავრცელებს.

საქმე ეხება, 2016 წლის აგვისტოში „დეილი მეილის” მიერ გამოქვეყნებულ მასალას, რომლის თანახმადაც წარსულში მელანია საესკორტო მომსახურებით იყო დაკავებული.

აშშ-ის პირველი ლედის ადვიკატებმა სასამართლოში სარჩელი მიმიდნარე წლის თებერვალში, Mail Media Inc -ის წინააღმდეგ შეიტანეს, რომლის მფლობელობაშიც არის ვებგვერდი.

დოკუმენტების თანახმად, 2016 წლის აგვისტოში ვებგვერდზე გამოქვეყნებულმა მასალამ მელანია ტრამპს მილიონობით დოლარი დააკარგვინა მაშინ, როცა “მას მრავალმილიონიანი საქმიანი ურთიერთობების ჩამოყალიბება შეეძლო“, რადგან “მსოფლიოს ერთ-ერთი ყველაზე მეტად ფოტოგრაფირებული ქალი იყო.”

საუბარია მასალაზე, რომელიც მანამდე წიგნში და სლოვენიურ ჟურნალში გამოქვეყნდა. პუბლიკაციების მიხედვით, სააგენტო, სადაც მელანია ტრამპი ახალგაზრდობაში მუშაობდა, სინამდვილეში არა სამოდელო, არამედ საექსკორტო სააგენტო იყო.

მოგვიანებით, გამოცემამ აღნიშნული ინფორმაცია გვერდიდან აიღო.

პროსტიტუციის ყალბი ბრალდების სანაცვლოდ, რომელმაც მელანია ტრამპმს როგორც მატერიალური, ასევე მორალური ზიანი მოაყენა, ადვოკატები გამოცემისგან 150 მილიონ აშშ დოლარს ითხოვდნენ.

სასამართლომ გადაწყვეტილება მელანია ტრამპის სასარგებლოდ გამოიტანა და Daily Mail-ს ფულადი კომპენსაციის გადახდა დააკისრა, თუმცა კონკრეტული თანხა უცნობია. მედიაში გავრცელებული ინფორმაციით, ეს 3 მილიონი დოლარია. ამასთან, გაზეთს დაევალა სრულად დაფაროს მელანია ტრამპის საადვოკატო მომსახურება.