რექს ტილერსონისა და სერგეი ლავროვის 5-საათიანი შეხვედრა დასრულდა

მსოფლიო - 22:07, 12 Apr, 2017

3679

მოსკოვში აშშ-ის სახელმწიფო მდივნის რექს ტილერსონისა და რუსეთის საგარეო საქმეთა მინისტრის სერგეი ლავროვის შეხვედრა დასრულდა, რომელიც 5 საათის განმავლობაში მიმდინარეობდა.

შეხვედრის შემდეგ გამართულ პრესკონფერენციაზე სერგეი ლავროვმა განაცხადა, რომ ტილერსონთან სირიაზე ქიმიური თავდასხმის განხორციელების საკითხზე ისაუბრეს და აშშ-ის მიერ სირიის ავიაბაზაზე სარაკეტო დარტყმის თემა განიხილეს.

პრესკონფერენცია ამ წუთებში, კრემლში მიმდინარეობს.

ლავროვის თქმით, „მოლაპარაკებები საფუძვლიანი და გულწრფელი აღმოჩნდა, რომელიც ორმხრივი ურთიერთობებისთვის საკვანძო საკითხებს ეხებოდა.

თავისმხრივ, რექს ტილერსონმა განაცხადა, რომ ამ მომენტში, აშშ-სა და რუსეთს შორის ნდობის დონე „დაბალია.“ მისივე თქმით, მოსკოვმა და ვაშინგტონმა ყველაფერი უნდა გააკეთის ურთიერთობის დეგრადაციის შეწყვეტისა და ნდობის აღსადგენად.

შეხვედრის დასრულების შემდეგ ვლადიმირ პუტინმა ტილერსონსა და ლავროვს კრემლში უმასპინძლა. პუტინთან მოლაპარაკებები ტილერსონის განრიგში არ შედიოდა, თუმცა, მოგვიანებით კრემლში დაადასტურეს, რომ შეხვედრა შედგებოდა.

ცოტა ხნით ადრე, რუსეთის პრეზიდენტმა, ვლადიმირ პუტინმა ტელეკომპანია „მირთან“ ინტერვიუში განაცხადა, რომ აშშ-ის პრეზიდენტად დონალდ ტრამპის არჩევის შემდეგ, მოსკოვსა და ვაშინგტონს შორის არსებული ნდობის დონე უფრო დაბალია, ვიდრე ეს ბარაკ ობამას დროს იყო.