დილით მისულ თანამშრომლებს ბარის კარი შემტვრეული დახვდათ, რის შემდეგაც მომხდარის შესახებ მენეჯერს შეატყობინეს და საპატრულო პოლიცია გამოიძახეს.

ბარიდან რამდენიმე ნივთია წაღებული, რომელიც ინვენტარში შედიოდა.

აღსანიშნავია, რომ ბარის წინ სათვალთვალო კამერებია დამონტაჟებული, თუმცა, ისინი გამორთულია. როგორც ბარის ერთ-ერთი თანამშრომელი, რომელმაც ადგილზე გადაღებული ფოტოები "ფეისბუქზე" ატვირთა, წერს, პოლიციის განცხადებით, კამერების გამორთვა ელექტროენერგიის დაზოგვითაა განპირობებული.

არსებობს ვარაუდი, რომ თავდამსხმელებმა წინასწარ იცოდნენ სათვალთვალო კამერების უფუნქციობის შესახებ.