სირიის საკითხის გამო, ბრიტანეთის საგარეო საქმეთა მინისტრმა მოსკოვში ვიზიტი გააუქმა

მსოფლიო - 17:44, 08 Apr, 2017

3787

დიდი ბრიტანეთის საგარეო საქმეთა მინისტრმა, ბორის ჯონსონმა მოსკოვში დაგეგმილი ვიზიტი გააუქმა. ამის შესახებ საგარეო საქმეთა სამინისტროს უწყების ოფიციალურ ვებგვერდი წერს.

ჯონსონი მოსკოვში 10 აპრილს უნდა ჩასულიყო.

„სირიის მოვლენებმა სიტუაცია რადიკალურად შეცვალა. ჩემი პრიორიტეტი - აშშ-სთან და "დიდი შვიდეულის" სხვა ქვეყნების წარმომადგელებთან კონტაქტია, სირიაში არსებული ვითარებაზე სასაუბროდ , ცეცხლის შეწყვეტის შესახებ კოორდინირებულ მხარდაჭერასა და პოლიტიკური პროცესის აქტივიზაციის შესახებ” - აცხადებს ჯონსონი.

საგარეო საქმეთა მინისტრმა მოსკოვში ვიზიტი პირველად 27 მარტს გადადო. მაშინდელი მიზეზი ნატო-ს წევრი ქვეყნების საგარეო საქმეთა მინისტრების შეხვედრის გრაფიკის ცვლილება იყო.

შეგახსენებთსირიაში მიმდინარე სამოქალაქო ომის დაწყებიდან ექვსი წლის შემდეგ, აშშ-მ პირველი პირდაპირი იერიში მიიტანა სირიის სამთავრობო ძალების პოზიციებზე.

სირიაში, ჰომსის პროვინციაში წერტილოვანი დარტყმები ალ შარიათის სამხედრო ბაზაზე განხორციელდა, საიდანაც ქიმიური თავდასხმა მოხდა. აშშ-მა ავიაიერიშები ხმელთაშუა ზღვაში ორი გემიდან განხორციელა და 59 შორი რადიუსის რაკეტა გამოიყენა.

ოფიციალურმა ვაშინგტონმა იერიში მას შემდეგ განახორციელა, 4 აპრილს, სირიის ჩრდილო დასავლეთში, იდლიბის ქალაქ ხან-შეიხუნში, რომლებსაც ამბოხებულები აკონტროლებენ ქიმიური იარაღით თავდასხმა მოხდა, რომელშიც ბაშარ ალ ასადის რეჟიმს ადანაშაულებენ. შემთხვევას 89 ადამიანი ემსხვერპლა. დაშავებულია 500-ზე მეტი ადამიანი. დაღუპულთა შორის ათეულობით ბავშვია. თავდასხმის შედეგების ამსახველი შემზარავი კადრები ინტერნეტში გავრცელდა.

მსოფლიო ლიდერებმა აშშ-ის გადაწყვეტილებას სრული მხარდაჭერა გამოუცხადეს.