სტოკჰოლმის ტერაქტი: მამაკაცი, რომელმაც ხალხს მანქანით გადაურა წარმოშობით უზბეკია

მსოფლიო - 15:54, 08 Apr, 2017

4365

შვედეთის პოლიციის განცხადებით, დააკავეს ადამიანი, რომელმაც სავარაუდოდ, სტოკჰოლმში, სატვირთო მანქანით ხალხს გადაურა.

პოლიციას დაკავებულის ვინაობა არ გაუსაჯაროებია, თუმცა მედიაში გავრცელდა ინფორმაცია, რომ ის 39 წლის, წარმოშობით უზბეკია. ოფიციალურ პირებს აღნიშნული ინფორმაცია ჯერჯერობით არ დაუდასტურებიათ.

გავრცელებული ცნობით, მამაკაცი სოციალურ ქსელში დაეშის ("ისლამური სახელმწიფო") მიმართ სიმპათიბს გამოხატავდა.

ამავდროულად, ვრცელდება ინფორმაცია, რომ მანქანაში ასაფეთქებელი მოწყობილობაც აღმოაჩინეს, რასაც შვედეთის პოლიცია არც ადასტურებს და არც უარყოფს.

ტერაქტთან კავშირში პოლიციას კიდევ ერთი ეჭვმიტანილი ჰყავს დაკავებული.

ბოლო მონაცემებით, სტოკჰოლმის ტერაქტის შედეგად 4 ადამიანი დაღუპა, 15 კი - დაშვდა. პასუხისმგებლობა ტერაქტზე ამ დრომდე არცერთ დაჯგუფებას არ აუღია

შემთხვევა სტოკჰოლმში, გუშინ, ადგილობრივი დროით 15:00 საათზე მოხდა.

მამაკაცი მანქანით ხალხის ნაკადში შევარდა და გადაურა.

ხელისუფლება ინციდენტს ტერორისტული თავდასხმის აქტად მიიჩნევს. კომპანია Spendrups-ი აცხადებს,რომ თავდასხმის დროს მათი მანქანა გამოიყენეს. კომპანიის წარმომადგენელი თქმით, სატვირთო გაიტაცეს მაშინ, როდესაც მძღოლი რესტორანთან საქონელს ტვირთავდა. კაბინაში უცნობი პირი ჩახტა და სატვირთო გაიტაცა.