რუსეთის საგარეო უწყების თქმით, რუსეთი აშშ-სთან გაფორმებულ მემორანდუმს აჩერებს, რომელიც სირიის საჰაერო სივრცეში ინციდენტების პრევენციისა და ფრენების უსაფრთხოების უზრუნველყოფას ეხება.

რუსეთის ხელისუფლებას მიაჩნია, რომ იდლიბში ქიმიურ ინციდენტთან დაკავშირებული სიტუაცია ვაშინგტონმა საკუთარი ძალის დემონსტრაციისთვის საბაბად გამოიყენა.

შეგახსენებთ, აშშ-მ წერტილოვანი დარტყმები სირიაში, ჰომსის პროვინციაში იმ სამხედრო ბაზაზე განხორციელდა, საიდანაც ქიმიური თავდასხმა მოხდა. ავიაიერიშები ხმელთაშუა ზღვაში ორი გემიდან განხორციელდა. ოფიციალურმა ვაშინგტონმა იერიში მას შემდეგ განახორციელა, რაც იდლიბის პროვინციაში, სავარაუდოდ ქიმიურ თავდასხმას 86-დან 100-მდე ადამიანი ესმხვერპლა.