სირიის საკითხი: ბენიამინ ნეთანიაჰუ დონალდ ტრამპის გადაწყვეტილებას მხარს უჭერს

მსოფლიო - 11:34, 07 Apr, 2017

8300

ისრაელის პრემიერ-მინისტრი ბენიამინ ნეთანიჰუ სრულად უჭერს მხარს აშშ-ის პრეზიდენტის გადაწყვეტილებას სირიის სამხედრო ბაზებზე იერიშის მიტანის შესახებ.

ნეთანიაჰუს მიერ გავრცელებულ განცხადებაში ნათქვამია, რომ ტრამპის „სიტყვა და მოქმედება ძლიერი და მკაფიო გზავნილია“ ქიმიური იარაღის გამოყენების წინააღმდეგ.

„სიტყვებითაც და მოქმედებითაც, დონალდ ტრამპმა ძლიერი და მკაფიო სიგნალი გააგზავნა იმის შესახებ, რომ ქიმიური იარაღის გავრცელება და გამოყენება არ იქნება დაშვებული. ისრაელი მთლიანად უჭრეს მხარს პრეზიდენტ ტრამპის გადაწყვტილებას“ - განაცხადა ისრაელის პრემიერმა.

აშშ-ის ქმედებას სრული მხარდაჭერა გამოუცხადა დიდი ბრიტანეთის მთავრობამ.

ამერიკის შეერთებულმა შტატებმა ასადის რეჟიმზე პირდაპირის სამხედრო იერიში მიიტანა. აშშ-მა რამდენიმე საათის წინ 59 შორი რადიუსის რაკეტა გამოიყენა.

დარტყმები სირიაში ჰომსის პროვინციაში სამხედრო ბაზაზე, ხმელთაშუა ზღვაში ორი გემიდან განხორციელდა. ოფიციალურმა ვაშინგტონმა იერიში მას შემდეგ განახორციელა, რაც იდლიბის პროვინციაში, სავარაუდოდ ქიმიურ თავდასხმას 86-დან 100-მდე ადამიანი ესმხვერპლა.

შეგახსენებთ, სამშაბათს 4 აპრილს, სირიის ჩრდილო დასავლეთში, იდლიბის ქალაქ ხან-შეიხუნში, რომლებსაც ამბოხებულები აკონტროლებენ ქიმიური იარაღით თავდასხმა მოხდა, რომელშიც ბაშარ ალ ასადის რეჟიმს ადანაშაულებენ.

ადგილობრივი მედიის ცნობით დაღუპულთა რაოდენობა 86-დან 100-მდეა, დაშავებულია 500-ზე მეტი ადამიანი. დაღუპულთა შორის ათეულობით ბავშვია.

ინტერნეტში შემზარავი კადრები გავრცელდა. ვიდეოში ჩანან ადამიანები, რომლებიც მიწაზე წვანან, იკრუნჩხებიან და პირიდან ქაფი სდით. ასევე ადამიანები, რომლებიც უკვე უგონო მდგომარეობაში იმყოფებიან. ეს სიმპტომები აახასიათებს ქიმიური თავდასხმის იარაღის მოქმედებას.