მინიმუმ 86 ადამიანი გარდაიცვალა ასფიქსიით და 557 მოიწამლა , სამშაბათს, ქალაქ ხან ჩეიხუნზე განხორციელებული ქიმიური შეტევის შედეგად. კადრები სადაც ასახულია თუ როგორ ებრძვიან სიკვდილს მომწამვლელი გაზით მოწამლული ადამიანები მთელმა მსოფლიომ ნახა.

პარიზმა, ლონდონმა, ბერლინმა და ვაშინგტონმა ოპოზიციის კონტროლირებად ტერიტორიაზე ქიმიური თავდასხმის განხორციელებაზე პასუხისმგებლობა სირიის მმართველ რეჟიმს დააკისრეს. ოფიციალური დამასკო როგორც ყოველთვის ბრალდებებს უარყოფს, მას მხარს უბამს ბაშარ ალ ასადის მოკავშირე რუსეთიც, კრემლი მსოფლიოს მომხდარი ფაქტის საკუთარ ვერსიას სთავაზობს, მათი თქმით სირიის ავიაციას იერიში არ მიუტანია მშვიდობიან მოსახლეობაზე, არამედ მეამბოხეების იარაღის საწყობები დაბობმა, სადაც ქიმიური იარაღიც აღმოჩნდა, რომელიც დაბომბვის შედეგად ატმოსფეროში გაიფანტა.

მომწამვლელის გაზის შემადგენლობა ზუსტად დადგენილი არაა, თუმცა მედიკოსების და ექსპერტების განცხადებით მოწამლული ადამიანების სიმპტომები ზარინით მოწამვლას ემთვევა.