"პეპსისა" და კენდალ ჯენერის წარუმატებელი კოლაბორაცია - კომპანიამ სკანდალური ვიდეო წაშალა (ვიდეო)

ეს საინტერესოა - 21:00, 05 Apr, 2017

11525

ვიდეორგოლის გავრცელებისთანავე, მედიაში დაიწერა, რომ პეპსი იეშია ევანსის ისტორიული ფოტოს კომერციული რიმეიქია, რამაც სოციალური ქსელების მომხმარებლებში აღშფოთება გამოიწვია. მათი თქმით, პეპსიმ ფოტოს მნიშვნელობა დააკნინა.

ვიდეორგოლის ერთ-ერთ მონაკვეთში, საპროტესტო აქციაზე მყოფი კენდალი პოლიციელს პეპსის აწვდის.

ისტორიული ფოტოზე, 28 წლის მედდა იეშია ევანსი, რასისზმის წინააღმდეგ, შავკანიან მოქალაქეებზე პოლიციის სისასტიკის წინააღმდეგ გამართულ საპროტესტო აქციზე ხელს უწვდის მის დამკავებელ პოლიციელებს ლუიზიანს შტატში. ეს ფოტო ჯონათან ბაჩმანს ეკუთვნის სააგენტოდან REUTERS. ფოტო World Press Photo Awards 2017 კონკურსის ერთ-ერთი პრიზის მფლობელი გახდა

მარკეტინგის სპეციალისტის მიკ ჯექსონის თქმით, პეპსის რეკლამას აღნიშნული უარყოფითი გამოხმაურება იმიტომ არ მოჰყოლია, რომ სენსიტიურ თემას შეეხო, არამედ იმიტომ, რომ ამის სწორად გადმოცემა ვერ შეძლო. მისი თქმით, იდეა კარგი იყო, თუმცა სათანადოდ ვერ შესრულდა. სოციალურ ქსელებში წერენ, რომ ორიგინალ ფოტოზე ასახულმა მედდამ ისტორია შექმნა და შავკანიანებისთვის ძალადობის მებრძოლ სიმბოლოდ იქცა. კენდალ ჯენერი კი თანამედროვე მოდელია, რომელიც პოპულარული მდიდარი ოჯახის გამო გახდა და მოღვაწეობის სფეროშიც მნიშვნელოვან და პატივსაცემ ფიგურას, ჯერჯერობით არ წარმოადგენს.
"პეპსიმ" განცხადებაც გაავრცელა, რომლითაც ბოდიშს უხდის საზოგადოებას ასევე მოდელსაც."ჩვენ რაღაც ნამდვილად გამოგვრჩა და ბოდიშს ვიხდით, ჩვენს მიზანი მნიშვნელოვანი და სენსიტიური თემის "გალაითება" არ ყოფილა. ბოდიშს ვუხდით კენდალ ჯენერსაც უსიამოვნო სიტუაციაში ჩაგდებისთვის" - განაცხადა კომპანიამ.