ბიჭი, რომელიც მოდის ინდუსტრიას "ტროლავს" - დემნა გვასალიას ყველაზე სახალისო ლუქები(ფოტოკოლაჟი)

შოუ ბიზნესი - 18:35, 05 Apr, 2017

33256

დემნა გვასალიას მსოფლიო მოდის ინდუსტიაში კარგად იცნობენ. მისი არაორდინალური კოლექციები მოდის ექსპერტებში მუდმივად განხილვის და აღფრთოვანების საგანია. მოდის კრიტიკოსები დემნას სფეროში გარდამტეხ დიაზინერს უწოდებენ. ახალი კოლექციების წარდგენის შემდეგ კი "ვოგის" და სხვა გავლენიანი გამოცემების ფურცლებზეა.

Vetements-ისა დაBalenciaga-ს შემოქმედებითი ხელმძღვანელის კოლექციები, ქართველებისთვის ხშირად ღიმილისმომგვრელია, რადგან მარტივად აღმოაჩენთ 90-იანი წლების დეტალებს. დემნას კოლექციებში შეგვიძლია ვიხილოთ, მანქანის სარკე-ჩანთები, „კოვრიკი“ კაბები, 90-იანი წლების მაგიდის გადასაფარებლის კაბები და ფეხსაცმელები, სანთებელა-ფეხსაცმელები და ე.წ. ლილოს ჩანთები.

სოციალურ ქსელში ბევრს ხუმრობენ, რომ მეგრელი ბიჭი მსოფლიო მოდის ინდუსტრიას ტროლავს. ინტერვიუებში დემნა თვითონაც აღნიშნავს, რომ ზოგიერთი ლუქი ნამდვილად სახალისოა.

მისი თქმით, ერთ-ერთი კოლექციის ჩვენების შემდეგ მეგობარმა მისწერა, რომ არასდროს უცინია იმდენი, რამდენიც მაშინ, როდესაც ჩვენებაზე მაგიდის გადასაფარებელი კაბა ნახა.

დემნას კოლექციები ბევრს გვახალისებს, გვაცინებს, თუმცა მან უკვე დაიმკვიდრა მოდის ინდუსტრიაში კუთვნილი ადგილი. შეგახსენებთ, რამდენიმე დღის წინ ცნობილი გახდა, რომ დემნა გვასალია, მოდის ინდუსტრიაში ყველაზე პრესტიჟული ამერიკული დაჯილდოების, მოდის ოსკარად წოდებული CFDA-ს გამარჯვებული გახდა.

საერთაშორისო ჯილდო მოდის სფეროში შეტანილი შემოქმედებითი წვლილისთვის დემნას "ვეტმანისა" და "ბალენსიაგასთვის" გადაეცა. CFDA მოდის ინდუსტრიაში ყველაზე მაღალი დონის ჯილდოდ ითვლება და მას უმეტესად ლეგენდად ქცეულ დიზაინერებს გადასცემენ.

ახლა კი, დემნას მიერ შექმნილი კოლექციებიდან , ქართველებისთვის ყველაზე სახალისო და კარგად ნაცნობი დეტალები:

დემნას მეგობრის მსგავსად, ჩვენც ბევრი ვიცინეთ მაგიდის გადასაფარებელ-კაბაზე, რომელსაც მალე ფეხსაცმელიც მოჰყვა .

ალბათ ვერასოდეს წარმოვიდნებთი, სანთებელებით თუ გავივლიდით, მაგრამ "ვეტმანის" ფეხსაცმლის ქუსლები კი არც მეტი არც ნაკლები სანთებელია, შეგიძლიათ მარკერებითაც გაიაროთ.