- ისინი უმძიმეს მდგომარეობაში იყვნენ. არ იცოდნენ არც სიარული და არც ლაპარაკი. ჩანდა, რომ მათთან ამ ხნის მანძილზე არავინ კონტაქტობდა. ბიჭუნა ფერებს ვერ არჩევდა, სრულიად დეგრადირებული იყო. ბავშვებს ძლიერად ჩამორჩებიან განვითარებაში, აქვთ ნერვული დაავადებები - აცხადებს პროკურორის თანამშემწე.

დედა, 24 წლის ირინა კი ყვება, რატომ გამოკეტა ბავშვები. ისინი ზედმეტ პრობლემებს უქმნიდნენ და ერთხელაც, ფიცრები ააკრა კარებს და ფანჯრებიც ჩაგმანა ტომრებით.

თავად მხოლოდ დღეში ერთხელ შეიხედავდა ხოლმე შვილებთან, რათა მათთვის საკვები მიეწოდებინა.

ბებია ამბობს, რომ ცდილობდა შვილზე გავლენა მოეხდინა, რომ ბავშვების მიმართ მისი დამოკიდებულება შეეცვალა, მაგრამ ვერაფერს გახდა.

- ვხედავდი, რომ რომ ბავშვები შიმშილობდნენ, თუმცაღა მშობლებს ფულის გასაჭირი არ ჰქონდათ. ვთავაზობდი, რომ მე ვაჭმევდი მათ, მაგრამ ირა შვილიშვილებთან ახლოს მიკარებასაც კი მიკრძალავდა - ამბობს ბებია. ამის გამო 57 წლის ქალი იძულებული იყო ჩუმად გამოეკვება ბავშვები. საჭმელს პატარა სარკმლიდან აწვდიდა, ბოლოს კი, საკუთარი შვილისგან რომ ეხსნა ისინი, პენსიონერმა სოციალურ მუშაკებს მიმართა.

როცა პაშა და დიანა დედისგან წამოიყვანეს, მათ ოთახში საშინელი სიტუაცია დახვდათ: მძიმე სუნი, ავეჯი თითქმის არ იდგა. მატრასი, რომელზედაც პატარებს ეძინათ, მატლებით იყო სავსე.

შედეგად, ბავშვები ახლა უკვე ბებიასთან ცხოვრობენ. თუმცა ისინი მუდმივ მკურნალობას საჭიროებენ. ბიჭს ცენტრალური ნერვული სისტემა აქვს დაზიანებული, გოგონას კი მწვავე გასტრიტი აქვს.

სამართალდამცველები გადაწყვეტენ, ჩამოართვან თუ არა ირინას დედობის უფლება, რომელიც მეუღლესთან ერთად ხშირად სვამდა და არაფხიზელ მდგომარეობაში იყო.