დაზუსტებული მონაცემებით, პეტერბურგის მეტროში აფეთქების შედეგად დაიღუპა 9, დაშავდა 20 ადამიანი

მსოფლიო - 18:23, 03 Apr, 2017

15127

რუსეთის ეროვნული ანტიტერორისტული კომიტეტის დაზუსტებული მონაცემებით, სანკტ-პეტერბურგის მეტროში მომხდარი აფეთქების შედეგად დაიღუპა 9 , ხოლო დაშავდა 20 ადამიანი.

ამ დრომდე ვრცელდებოდა ინფორმაცია, რომ აფეთქას 10 ადამიანი ემსხვერპლა, ხოლო დაშავებული იყო 50-ზე მეტი ადამიანი.
ცოტა ხნის წინ, მეტროში მომხდარ აფეთებას ტერაქტი უწოდა რუსეთის გენერალური პროკურატურის წარმომადგენელმა ალექსანდრე კურენოიმ. რუსეთის პრეზიდენტმა ვლადიმირ პუტინმა კი განაცხადა, რომ "განიხილება ყველა ვერსია, მათ შორის ტერორისტული აქტი."

შეგახსენებთ, სანკტ-პეტერბურგის მეტროსადგურში აფეთქება დღეს მოხდა.

აფეთქება, მეტროსადგურ “ტექნოლოგიური ინსტიტუტსა" და „სენის მოედანს" შორის, მიმავალი მატარებლის ვაგონში მოხდა. აფეთქების მიზეზი ვაგონში დაუდგენელი მოწყობილობის ამოქმედება გახდა.

რუსული მედიის ინფორმაციით, აფეთქებას მინიმუმ 10 ადამიანი ემსხვერპლა, მათ შორის არიან მცირეწლოვანი ბავშვებიც. დაშავებულია 50-მდე ადამიანი.

ინციდენტის ამსახველი ფოტო-ვიდეოკადრები სოციალურ ქსელში ვრცელდება.

ცნობილი გახდა ისიც, რომ სანკტ-პეტერბურგის მეტროში მომხდარი აფეთქების შედეგად დაღუპულთა ოჯახებს რუსეთის მთავრობა 2.025 მილიონ რუბლის გადაუხდის.

ტელეკომპანია „დოჟდის“ ინფორმაციით, სანკტ-პეტერბუგში, პოლიციამ კიდევ ერთი ასაფეთქებელი მოწყობილობა იპოვა, მეტროსადგურ „ამბოხების მოედანზე“. ამ დროისთვის დახურულია ყველა მეტროსადგური.

უსაფრთხოების მიზნებიდან გამომდინარე დახურულია „პულკოვოს“ აეროპორტიც.