ბოლო მონაცემებით, პეტერბურგის მეტროში მომხდარი აფეთქების შედეგად დაიღუპა 10, დაშავდა 50-მდე ადამიანი

მსოფლიო - 17:14, 03 Apr, 2017

1899

ამ დროისთვის არსებული მონაცემებით, სანკტ-პეტერბურგის მეტროსადგურში მომხდარი აფეთქების შედეგად დაღუპულია 10, ხოლო დაშავებულია 50-მდე ადამიანი. რუსული მედიის ცნობით, დაღუპულთა შორის არიან ბავშვები.

ტელეკომპანია „დოჟდის“ ინფორმაციით, სანკტ-პეტერბუგში, პოლიციამ კიდევ ერთი ასაფეთქებელი მოწყობილობა იპოვა, მეტროსადგურ „ამბოხების მოედანზე“. ამ დროისთვის დახურულია ყველა მეტროსადგური.

უსაფრთხოების მიზნებიდან გამომდინარე დახურულია „პულკოვოს“ აეროპორტიც.

შეგახსენებთ, სანკტ-პეტერბურგში აფეთქება ორ მეტროსადგურში მოხდა.

აფეთქებები მეტროსადგურებში - “ტექნოლოგიური ინსტიტუტსა" და „სენის მოედანზე" მოხდა. აფეთქების მიზეზი ვაგონში დაუდგენელი მოწყობილობის ამოქმედება გახდა.

რუსული მედიის ინფორმაციით, აფეთქებებს მინიმუმ 10 ადამიანი ემსხვერპლა, მათ შორისარიან მცირეწლოვანი ბავშვებიც. დაშავებულია 50-მდე ადამიანი.

ინციდენტის ამსახველი ფოტო-ვიდეოკადრები სოციალურ ქსელში ვრცელდება.

სანკტ-პეტერბურგის მეტროში მომხდარ აფეთქებას გამოეხმაურა რუსეთის პრეზიდენტი, ვლადიმირ პუტინი. მისი თქმით, მომხდარის მიზეზი ჯერჯერობით დადგენილი არ არის, თუმცა განიხილება ყველა ვერსია, მათ შორის ტერორისტული აქტი.